Qaraǵandy jáne Qostanai oblystaryndaǵy alty adamnyń ólimine sebep bolǵan toptyq jazataiym oqiǵalardy tekserý úshin arnaiy komissiia quryldy. Bul týraly Eńbek jáne halyqty áleýmettik qorǵaý ministrliginiń memlekettik eńbek inspektsiiasy komiteti habarlady, dep jazady Dalanews.kz.
Tergeý nátijesinde bolǵan qaiǵyly oqiǵalardyń mán-jaiy men sebepteri anyqtalady.
“2024 jyly 5 qazanda saǵat 19:30-da "Qazaqmys korporatsiiasy" JShS "Saiaq" kenishiniń aýmaǵynda – "Balqashtústimetall" ÓB-de taý-ken sheberi 1990 jyly týǵan D.Igembaev, tespe burǵylaýshy 1967 jyly týǵan O. Zekei jáne burǵylaýshynyń kómekshisi 2001 jylǵy M.Turyspaev belgisiz gazben ýlanǵan. Jazataiym oqiǵa saldarynan D.Igembaev pen M.Turysbaev qaza taýyp, O.Zekei Balqash qalasyndaǵy qalalyq aýrýhanaǵa jiberildi”, – delingen habarlamada.
Jazataiym oqiǵanyń mán-jailary men sebepterin tergep, tekserý úshin Qaraǵandy oblysy boiynsha bas memlekettik eńbek inspektorynyń tóraǵalyǵymen arnaiy komissiia quryldy.
2024 jyly 6 qazan kúni Rýdnyi qalasynda "Imperial Agro Group" JShS jalǵa alǵan diirmen kesheniniń aýmaǵynda №5 un býnkerinen 1987 jyly týǵan E.Boshykovtyń, 1994 jyly týǵan A.Ótegenovtiń, 1978 jylǵy D.Kalaýovtyń jáne 1976 jyly týǵan S.Shakirtaevanyń máiiti tabyldy.
"Imperial Agro Group" JShS basshysynyń aitýynsha, E.Boshyqov iske qosý-retteý jumystary boiynsha tehnolog retinde azamattyq-quqyqtyq sipattaǵy shart boiynsha qyzmet etken. Ol ózge qaitys bolǵan azamattar týraly eshteńe bilmeidi. Óitkeni aitýynsha, atalǵan adamdarmen eńbek qatynastary bolmaǵan.
Bolǵan oqiǵanyń barlyq mán-jaiyn anyqtaý jáne atalǵan azamattarmen eńbek qatynastarynyń bolýyn nemese bolmaýyn anyqtaý úshin Memlekettik eńbek inspektsiiasy komitetiniń Qostanai oblysy boiynsha departamenti komissiia qurdy.
