Qazaqstannyń sý basqan óńirlerinde tasqyn sýdy ótkizý úshin ádeii buzylǵan jol ýchaskelerin jóndeý úshin úkimet jalpy somasy 28,5 mlrd teńge bóldi, dep habarlaidy Dalanews.kz.
Bul týraly kólik ministri Marat Qarabaev málim etti.
“Sý tasqyny kezinde sý ótsin dep jaqsy joldar ádeii buzylǵan bolatyn, sony qalpyna keltirý úshin qansha qarajat ketti”, - dep surady Azattyq Ruhy jýrnalisi ministrden.
“Buzylǵan joldar boiynsha myna málimet bar, jalpy uzyndyǵy 33 shaqyrym 11 ýchastok bar. Iaǵni, olardyń árqaisysy emes, sol 11 ýchastokty qossaq, 33 shaqyrym uzyndyq shyǵady. Respýblikalyq mańyzǵa ie osy joldardy qalpyna keltirý úshin 8,5 mlrd teńge bólindi. Jergilikti joldar boiynsha 275 ýschastok bar, olarǵa 20 mlrd teńge qajet”, - dedi Qarabaev.
