Qapshaǵaidaǵy áskeri bólimge shabýyl jasaldy degen qaýeset joqqa shyǵaryldy
Áleýmettik jelilerde Qapshaǵaidaǵy áskeri bólimge shabýyl jasaldy degen qaýeset taraǵan bolatyn. "Bul aqparat rastalmaǵan", - dedi baspasóz qyzmetindegiler.
Osyǵan deiin Almatyda Almaly aýdandyq IIB mańy qorshaýǵa alynǵan bolatyn. Kýágerlerdiń aitýynsha, Nikolskii bazarynyń aýmaǵynda atys bolyp jatyr. Bul jerde aýdandyq politsiia basqarmasy ornalasqan. Sonymen qatar, kýágerler kórshi ǵimarattardaǵy adamdardy keńselerinen shyǵarmai otyr eken. Taiaý mańda ornalasqan keńsedegilerdiń aitýynsha, 10 ret oq atylǵan. "Bastapqyda tapanshamen bir-birden oq atyldy, keiin jyldam atyla bastady. Belgisiz bireý qolyna avtomat ustap alyp, Baitursynov kóshesiniń boiymen júgirip ótti, keiin artynan politseiler qýdy", - deidi olar.
Odan keiin Almatydaǵy UQK Departamentiniń ǵimaraty qorshaýǵa alyndy. Kýágerlerdiń aitýynsha, jedel járdem men politsiia ǵimarat aldyna kelip tur, jaraqat alǵandar týraly habarlanyp otyr. Kýágerlerdiń aitýynsha, jedel járdem men politsiia ǵimarat aldyna kelip tur, jaraqat alǵandar týraly habarlanyp otyr. Sonymen qatar, atys kezinde eki politsei jaraqat alǵany týraly habarlanǵan bolatyn. Jaralanǵandardyń biri Qurmanǵazy-Sháripov kósheleriniń qiylysynda jatyr. Aita keteiik, qazirgi ýaqytta jeti politsei jansaqtaý bóliminde jatyr.
