الەۋمەتتىك جەلىلەردە قاپشاعايداعى اسكەري بولىمگە شابۋىل جاسالدى دەگەن قاۋەسەت تاراعان بولاتىن. "بۇل اقپارات راستالماعان"، - دەدى باسپا ءسوز قىزمەتىندەگىلەر.
وسىعان دەيىن الماتىدا المالى اۋداندىق ءىىب ماڭى قورشاۋعا الىنعان بولاتىن. كۋاگەرلەردىڭ ايتۋىنشا، نيكولسكيي بازارىنىڭ اۋماعىندا اتىس بولىپ جاتىر. بۇل جەردە اۋداندىق پوليسيا باسقارماسى ورنالاسقان. سونىمەن قاتار، كۋاگەرلەر كورشى عيماراتتارداعى ادامداردى كەڭسەلەرىنەن شىعارماي وتىر ەكەن. تاياۋ ماڭدا ورنالاسقان كەڭسەدەگىلەردىڭ ايتۋىنشا، 10 رەت وق اتىلعان. "باستاپقىدا تاپانشامەن بىر-بىردەن وق اتىلدى، كەيىن جىلدام اتىلا باستادى. بەلگىسىز بىرەۋ قولىنا اۆتومات ۇستاپ الىپ، بايتۇرسىنوۆ كوشەسىنىڭ بويىمەن جۇگىرىپ ءوتتى، كەيىن ارتىنان پوليسەيلەر قۋدى"، - دەيدى ولار.
ودان كەيىن الماتىداعى ۇقك دەپارتامەنتىنىڭ عيماراتى قورشاۋعا الىندى. كۋاگەرلەردىڭ ايتۋىنشا، جەدەل جاردەم مەن پوليسيا عيمارات الدىنا كەلىپ تۇر، جاراقات العاندار تۋرالى حابارلانىپ وتىر. كۋاگەرلەردىڭ ايتۋىنشا، جەدەل جاردەم مەن پوليسيا عيمارات الدىنا كەلىپ تۇر، جاراقات العاندار تۋرالى حابارلانىپ وتىر. سونىمەن قاتار، اتىس كەزىندە ەكى پوليسەي جاراقات العانى تۋرالى حابارلانعان بولاتىن. جارالانعانداردىڭ ءبىرى ءقۇرمانعازى-شارىپوۆ كوشەلەرىنىڭ قيىلىسىندا جاتىر. ايتا كەتەيىك، قازىرگى ۋاقىتتا جەتى پوليسەي جانساقتاۋ بولىمىندە جاتىر.
