San alýan kásiptiń ishindegi eń jaýapty ári eń qasterli mamandyq ieleri – dárigerler ekeni sózsiz. Meditsina mamandarynyń eńbegi elenýge turarlyq jáne úlken jaýapkershilik pen jankeshtilikti talap etedi. Odan ózge, bir de bir mamandyqqa adam ómiri munshalyqty táýeldi emes. Biyl Qazaqstan Respýblikasy Táýelsizdiginiń 30 jyldyǵymen tuspa – tus kelgen mereili mereke qarsańynda, karantin erejelerin saqtai otyryp árbir naýqastyń jan qinalysyn óz boilarynan ótkizip júrgen meditsina salasynyń qyzmetkerlerine aýdan ákimi A.Abdinov saltanatty qabyldaý ótkizdi.
- «Birinshi bailyq – densaýlyq» dep dana halqymyzdyń sózi beker aitylmaǵan. Aýyrsaq tánimizdi emdep, janymyzǵa shipa syilaityn dárigerler qurmet tutýǵa laiyqty jandar. Olardyń táýlik boiy kóz ilmei, táýekelge bel býyp, tynymsyz keshetin tirligin jankeshtilik dep baǵalaý kerek. Memleket basshysy Qasym-Jomart Kemeluly Toqaev óziniń ulyqtaý rásiminde dárigerlerdiń mártebesin kóterip, máselelerin sheshý kerektigin atap ótken bolatyn. Bul memlekettiń el meditsinasyna kórseter qoldaýy zor ekenin bildiredi. Óz kezeginde densaýlyq saqtaý mamandary da azamattarǵa saýatty, sapaly qyzmet kórsetý kerek ekenin umytpaǵan jón,-dedi aýdan ákimi A.Abdinov.
Saltanatty sharada eńbegimen daralanǵan 22 aq jeleńdi abzal jandardy qurmet gramotasy jáne alǵys hattarmen marapattap, aýdan turǵyndary atynan alǵysyn bildirdi.
Ár naýqastyń janyna daýa bolyp, saýlyǵyn nyǵaityp, adam boiyna ómirlik kúsh – qýat berip, jigerin jandaratyn – aq halatty abzal jandardyń eńbegi ár ýaqytta eleýli.
Merekelerińizben abzal jandar!
