Jýrnalist Muhtar Túmenbai «Baha-Festival» atymen tanylǵan Baqytkeldi Baiasovpen qalai tanysqany týraly esteligin aitty, - dep habarlaidy Dalanews.kz.
Bul týraly jýrnalist Facebook paraqshasynda jazdy. Muhtar Túmenbai Baha-festivalmen jaqsy tanys bolǵanyn aitady.
"Alǵash onyń 30 jastyǵynda tanystyq. Týǵan kúninde. Ádemi kesh boldy. Sosyn Navoi kóshesindegi meshittiń irgetasyn qalaǵan da barsha jigitterimen keldi. Men de boldym. Shyn peiilimen qalap edi túp qazyǵyn. Sol kezde Quran oqyǵanyn kórseńder.... Bári shyn júrekten edi. Jáne oǵan óit-búit dep eshkim ámir bergen joq. Óz qalaýymen edi.
Keiin qapyda airylyp qaldyq. Ózgelermen qarýsyz kelýge kelisken bolatyn bári. Soǵan senip qaldy ańǵaldyqtan. Al ol jalmaýyz betsizder avtomattarmen kelip bárin qyryp saldy. Bahanyń janyndaǵy úsh dosymen qosa. Biraq "vorlardyń" shodkasynda anaý óltirgen tórteýin de jái jibergen joq. Atyp tastady. Óitkeni birinshiden "koronovannyi vor v zakone" adamǵa qol kóterýge eshkimniń haqy joq edi, ekinshiden qarýsyz kezdesý bolady dep kelisilgen bolatyn. Aldady. Biraq ózderi de jer qushty, itter. Solai ańǵaldyqtan ketti Baha festival", - deidi Muhtar Túmenbai.
Buǵan deiin Muhtar Túmenbai jas kezinde Baha-Festivaldiń arqasynda aman qalǵanyn aitqan edi.
"Men nege Baha Festivaldi dál búgin eske aldym? Qazir bir jarym saǵattan keiin 54 jasqa tolady ekenmin. Týǵan kúnim. Al Baha bolmasa men 30 jasqa da jetpes edim. Kezinde sheshen aǵaiyndar meni óltirmek bolǵan kezde, Baha jigitterimen jetip kelip, bul balaǵa tiisseńder báriń osy jerde qalasyńdar dep edi. Sonyń arqasynda aman qaldym. Qalai eske almaimyn Bahytty. Ózi jastai ketti, al men áli júrmin. Sonyń arqasy!", - deidi jýrnalist.
Aita keteiik, 1990 jyldardyń basynda almatylyq Baha-Festivaldiń (Baqytkeldi) dáýreni júrdi. Ol kópshiliktiń esinde asa qatygezdigimen qaldy.
Ol 1993 jyly janyndaǵy tórt kómekshisimen birge kóz jumdy. Qazaqstandaǵy reketterge jasalǵan eń birinshi qastandyq ta osy Baha-Festivalǵa baǵyttaldy.
Baqytkeldi Baiasov 1963 jyly Almaty oblysyndaǵy qazirgi Raiymbek aýdanyna qarasty Qarasaz aýylynda dúniege kelgen.
