Ulttyq Qaýipsizdik komitetiniń (UQK) burynǵy tóraǵasy Amangeldi Shabdarbaev Májilistiń burynǵy spikeri Nurlan Nyǵmatýlindi «qańtar oqiǵasynyń» uiymdastyrýshylardy biri bolǵan dep sanaitynyn aitqan.
«Májilis spikeri men Kárim Másimov Toqaevqa kelip: «Mine, ushaq daiyn, ushyp ket» (memleket basshysyna «qańtar oqiǵalary» barysynda Qazaqstandy tastap shyq degen emeýirindi bildiredi) dep aitty. Buny aitqan Kárim emes, Nyǵmatýlin», - dedi Shabdarbaev «Elmedia» jobasynyń bas redaktory Gúljan Erǵalievaǵa bergen suhbatynda.
Jýrnalist óz saýalyn: «Eger Toqaev ushaqqa otyryp ushyp ketetin bolsa, onda onyń ornyn kim basar edi?», - dep suraidy.
«Elimizdiń zańy boiynsha Senator (qoldanystaǵy zań boiynsha Senat spikeri memlekettiń ekinshi tulǵasy, al, Májilis spikeri úshinshi tulǵa sanalady) – birden onyń ornyn basady. Jas qoi», - dedi Shabdarbaev.
«Qańtar oqiǵasy» kezinde Senatty Máýlen Áshimbaev basqarǵan-tyn, ol kezde Nyǵmatýlin Májilis spikeri edi.
«Nyǵmatýlinniń Prezident bolýy óte aqylǵa syiymdy», - dep túiindeidi Erǵalieva.
Nyǵmatýlin Májilis spikerliginen 2022 jyldyń 1 aqpanynda ketti. Ol parlamenttiń tómengi palatasyn 2016 jyldan bastap basqardy. Atap aitary, buǵan deiin de 2012-2014 jyldar aralyǵynda Májilis spikeri bolǵan-tyn. Al, bul onyń ekinshi tóraǵalyq etýi edi.
Kei jyldary ol Prezident ákimshiligin basqardy. Qaraǵandy oblysynyń ákimi de boldy. Nyǵmatýlinniń jeke basymen reiderlik basyp alý, qylmystyq isterdi qoldan jasaý, ózine unamaǵan tulǵalardy zańsyz sottaý jáne basqada kóptegen qylmystar bailanysty bolyp tabylady.
…
Aitqandai, eks-premer Asqar Máminge tyqyr taiandy. Tolyǵyraq osy jerde: https://t.me/dalainside/1531
Derekkóz: Abai.kz
