Sinoptikter 2026 jylǵy qańtarǵa arnalǵan Qazaqstan boiynsha aýa raiyna boljam jasady, dep habarlaidy Dalanews.kz.
Konsýltativti boljamǵa sáikes, qańtar aiy jyly bolady dep kútiledi. Respýblika aýmaǵynyń barlyǵynda ailyq ortasha aýa temperatýrasy klimattyq normadan 1–2°S-qa joǵary bolady.
Ailyq jaýyn-shashyn mólsheri Qazaqstannyń basym bóliginde norma shamasynda boljanady.
Normadan kóp jaýyn-shashyn Pavlodar oblysynda, Soltústik Qazaqstan jáne Shyǵys Qazaqstan oblystarynyń basym bóliginde, Qostanai oblysynyń soltústiginde, Aqmola, Qaraǵandy jáne Abai oblystarynyń soltústik-shyǵysynda, Almaty jáne Jambyl oblystarynyń ońtústik jartysynda, Túrkistan oblysy men Jetisý oblysynyń ońtústik-shyǵysynda kútiledi.
Ai boiy qar jaýýy, ekpindi jel, boran, tuman jáne kóktaiǵaq qubylystary ashyq, aiazdy aýa raiymen almasyp otyrady.
Eldiń batysynda birinshi onkúndiktiń basynda túnde aýa temperatýrasy -10…-18°S-qa deiin, kúndiz -5…-12°S-qa deiin tómendeidi. Keiinnen aýa temperatýrasynyń álsiz oń mánderge deiin joǵarylaýy kútiledi.
Eldiń soltústik-batysynda, soltústiginde jáne ortalyq óńirlerinde túngi aýa temperatýrasy -10…-20°S-tan -3…-8°S-qa deiin, kúndiz -12…-2°S-tan -5…+3°S-qa deiin aýytqidy.
Eldiń shyǵysynda túnde aýa temperatýrasy -2…-13°S-tan -10…-18°S-qa deiin, kúndiz -6…+2°S-tan -2…-10°S-qa deiin bolady.
Eldiń ońtústik-batysynda, ońtústiginde jáne ońtústik-shyǵysynda túnde aýa temperatýrasy -2…-12°S-tan -5…+5°S-qa deiin, kúndiz -3…+8°S-tan +5…+10°S-qa deiin, al eldiń qiyr ońtústiginde +15°S-qa deiin joǵarylaýy múmkin.
Aidyń ekinshi jáne úshinshi onkúndikterinde soltústik, soltústik-batys, shyǵys jáne ortalyq óńirlerde sýyq aýa massalarynyń enýi kezinde túngi aýa temperatýrasynyń -25…-35°S-qa deiin, kúndiz -15…-20°S-qa deiin tómendeýi boljanady. Qańtardyń eń jyly kúnderinde aýa temperatýrasy -5…+3°S-qa deiin kóteriledi.
Eldiń batysynda sýyq tolqyndary kezinde túnde aýa temperatýrasy -20…-27°S-qa deiin, kúndiz -12…-19°S-qa deiin tómendeidi. Aidyń jekelegen kúnderinde kúndizgi aýa temperatýrasynyń 0…+5°S-qa deiin joǵarylaýymen jylymyqtar bolýy múmkin.
Eldiń ońtústik jartysynda túngi aýa temperatýrasy 0…-5°S-tan -10…-20°S-qa deiin, kúndiz +2…+12°S-tan -3…-13°S-qa deiin aýytqidy. Úshinshi onkúndiktiń jekelegen kúnderinde túnde aýa temperatýrasy -20…-30°S-qa deiin, kúndiz -10…-18°S-qa deiin tómendeýi boljanady.
