Búgin, 2025 jyly 27 qańtarda Almatydaǵy sot otyrysynda jappai tártipsizdikterge bailanysty aiyptalǵan bir top adamǵa qatysty úkimder shyǵyp jatyr. Kópshilikti, negizinen,"Dikii Arman" laqap atymen tanylǵan Arman Jumageldievke, kásipker Qairat Qudaibergen men Rýslan Iskakovqa qandai jaza taǵaiyndalaty qyzyqtyryp otyr, dep jazady Dalanews.kz.
Degenmen sot, ázirge negizgi bul úsh figýrantqa qatysty úkim shyǵara qoiǵan joq. Al 40-tan astam aiyptalýshynyń ishinen keibireýleri tergeý kezinde qamaýda nemese úiqamaqta bolǵan merzim esebinen bostandyqqa shyqty. Zalda otyrǵan tilshimiz sottalýshylardyń bir bóligine 7 jylǵa deiin jaza kesilgen bolsa, osy ýaqytqa deiin eń qatań jaza – 8 jyl bas bostandyǵynan aiyrý dep jariialanǵan.
Aita keteiik, qańdy qańtar oqiǵasyna qatysty basty kúdiktiler qatarynda Arman Jumageldiev ("Dikii Arman"), Qairat Qudaibergen jáne Rýslan Iskakov ta bar. Prokýrorlar Jumageldievke 20 jyl jaza suraǵan bolatyn. Úkim tolyq jariialanǵan soń qosymsha aqparat usynatyn bolamyz.
