Bul týraly Ortalyq kommýnikatsiialar qyzmetinde QR Bas prokýratýrasy 1-qyzmet basshysynyń orynbasary Eldos Qilymjanov aitty.
- Qańtar oqiǵasy uiymdastyrýshylary men qatysýshylaryn anyqtaý jáne olardy jaýapqa tartý úshin jumys jalǵasyp jatyr. 4 qańtarda Almaty oblysynda A. jáne buryn sotty bolǵan S. esimdi azamattar qiratý, múlikterdi joiý jáne bilik ókilderine qarsy kúsh qoldaný týraly aldyn ala sóz bailasqan.
5 qańtarda atalǵan adamdar áleýmettik jeliler arqyly Taldyqorǵan qalasyndaǵy shaǵyn aýdanda 400 adamdy jinap, osy jerde olarǵa oblys ákimdigin basyp alý úshin tolyq nusqaý bergen, - dedi E. Qilymjanov.
Onyń aitýynsha, uiymdasqan top ortalyq alańǵa qarai júrip, onda jol boiynda tastarmen jáne metall armatýramen qarýlanǵan.
- Agressivti top qolda bar quraldardyń kómegimen politsiianyń qorshaýyn buzyp ótip, oblys ákimdiginiń ǵimaratyn órtedi. Onymen toqtamai, atalǵan A. jáne S. esimdi adamdar topqa taǵy 500 adamdy qosyp alyp, odan ári barlyǵy Taldyqorǵan qalasy politsiia basqarmasynyń ǵimaratyn basyp alýǵa bardy. Olardyń qylmystyq áreketinen politsiia ǵimaratynyń 80 paiyzy qirady, - dedi Bas prokýratýranyń ókili.
Budan buryn habarlanǵandai, Qańtar oqiǵasy boiynsha tergeý organdarynyń is júrgizýinde 5 041 qylmystyq is bar.
