Jańa derekti fılmde qańtar tragedıasy oqıǵalarynyń eksklúzıvti qujattary, foto jáne beınematerıaldary kórsetilgen. Kórermenderge 2022 jyldyń qańtar kúnderinde bolǵan oqıǵanyń tolyq beınesi usynyldy.
Derekti fılmde eldiń 11 aımaǵynda mıtıńiler uıymdastyrylǵany aıtylady. Sonymen qatar, osy aýdandar men qalalarda beıbit áleýmettik narazylyqtar memlekettik bılikti qulatý úshin ekstremıstik talaptarmen jappaı buzaqylyqtarǵa ulasty. Qastandyq jasaýshylardyń basty áreketi janjaldy qozdyrýǵa baǵyttalǵan edi.
Derekti fılm qaskóıler boljamdaǵan senarı boıynsha oqıǵalardyń 4 tolqynyn kórsetedi:
1-tolqyn. Beıbit mıtıńiler.
1-3 qańtarda beıbit mıtıńiler ótti (eldiń birqatar aımaqtarynda).
Maqsaty – arandatýshylar men sodyrlardy kópshilik arasyna engizý úshin halyqty kóshege shyǵarý.
2-tolqyn. Tártipsizdikter, qıratý, órteý.
4-5 qańtarda iske asyryldy (ishinara birqatar óńirlerde, tolyǵymen Almatyda).
Maqsaty – haos pen tártipsizdik atmosferasyn qurý, tonaý uıymdastyrý, qarý-jaraq dúkenderin basyp alý, órtengen kólikterden barıkadalar jasaý.
3-tolqyn. Ǵımarattardy basyp alý: ákimshilik, kúshtik qurylymdar, BAQ, kólik (áýejaı) jáne aqparattyq (BAQ, televyshka) komýnıkasıalar. Kepilge alý, bılik ókilderine qatysty qoǵamdyq zorlyq-zombylyq.
5-6 qańtarda iske asyryldy (ishinara Almatyda).
Maqsaty – halyq arasynda qorqynysh pen dúrbeleń, úreı týǵyzý, zańdy bıliktiń dármensizdigin kórsetý, sonymen birge ákimdikterge, polısıaǵa, BAQ-qa, áýejaılarǵa jáne t. b. sımvolıkalyq túrde óz baqylaýlarynda ekenin kórsetý.
4-tolqyn. Sırıalyq senarı.
İske asyrylǵan joq.
«Uıyqtap jatqan» radıkaldy jasaqtardyń kóterilýi. Sheteldik sodyrlardy tartý. Maqsaty – el boıynsha jekelegen bandıttik jáne terorıstik anklavtar qurý. Jekelegen aımaqtarda bılikti basyp alý.
Qantar búkil eldi dúr silkindirdi, bul kezeń bılikti basyp alý maqsatynda aýqymdy memlekettik tóńkeristiń aldyn-ala muqıat josparlanǵan áreketi retinde tarıhqa endi.
