Oblys basshysy atap ótkendei, ótken jyldyń qazan aiynda Aqsý qant zaýyty iske qosylyp, oǵan 11 mlrd. teńge investitsiia salyndy. Kóksý qant zaýytynda eski qurylǵylar joǵary tehnologiialy qural-jabdyqtarǵa aýystyrylyp, 3 mlrd. teńgeden astam jańǵyrtý jumystary júrgizildi. Sonyń nátijesinde zaýyttyń qýattylyǵy artyp, táýligine 2,0 myń tonnaǵa deiin jetti. Biylǵy jyly qant qyzylshasynyń alqaby 12 myń gektarǵa jýyqtaidy dep kútilýde.
Sonymen qatar Jarkent krahmal-sirne zaýytyn jańǵyrtý dándik júgeri óńdeý qýattylyǵyn jylyna 10 myńnan 54 myń gektarǵa deiin arttyrýǵa múmkindik berdi. 400 sharýashylyqqa arnalǵan 8,3 ga alańǵa qosymsha eki qyrman salyndy.
Oblysta jalpy 3,3 myń ga baq bar, sonyń 675 gektary – aport. Ótken jyly 566 gektarǵa baq otyrǵyzylsa, sonyń 202 gektaryna aport almasy egilgen bolatyn. Memleket qoldaýynyń nátijesinde tamshylatyp sýarý sekildi ozyq tehnologiialar qoldanylatyn iri intensivti baqtar kóbeidi. Máselen, Eńbekshiqazaq aýdanyndaǵy «Amal Bio» («FreshFýd») JShS 45 gektarǵa 127 myń túpten astam 30 túrli kóshet otyrǵyzdy. Uiǵyr aýdanyndaǵy «Alma Prodex»JShS 20 gektarǵa, Sarqan aýdanyndaǵy «Sarqan Agro» JShS 100 gektarǵa ekti.
– Jalpy oblystaǵy agrarlyq sektorda Memleket basshysynyń qant qyzylshasyn, júgeri men baq sharýashylyǵyn damytý týraly tapsyrmalary oryndaldy. Basymdyq beriletin daqyldardy ósirýdegi tájiribelerimizdi qoldana otyryp, biz endi sútti mal sharýashylyǵy men kartop óndirisin qolǵa alýdy bastaimyz, – dedi A. Batalov.
Almaty oblysy ákiminiń baspasóz qyzmeti
https://dalanews.kz/34218
