وبلىس باسشىسى اتاپ ٶتكەندەي, ٶتكەن جىلدىڭ قازان ايىندا اقسۋ قانت زاۋىتى ٸسكە قوسىلىپ, وعان 11 ملرد. تەڭگە ينۆەستيتسييا سالىندى. كٶكسۋ قانت زاۋىتىندا ەسكٸ قۇرىلعىلار جوعارى تەحنولوگييالى قۇرال-جابدىقتارعا اۋىستىرىلىپ, 3 ملرد. تەڭگەدەن استام جاڭعىرتۋ جۇمىستارى جٷرگٸزٸلدٸ. سونىڭ نەتيجەسٸندە زاۋىتتىڭ قۋاتتىلىعى ارتىپ, تەۋلٸگٸنە 2,0 مىڭ تونناعا دەيٸن جەتتٸ. بيىلعى جىلى قانت قىزىلشاسىنىڭ القابى 12 مىڭ گەكتارعا جۋىقتايدى دەپ كٷتٸلۋدە.
سونىمەن قاتار جاركەنت كراحمال-سٸرنە زاۋىتىن جاڭعىرتۋ دەندٸك جٷگەرٸ ٶڭدەۋ قۋاتتىلىعىن جىلىنا 10 مىڭنان 54 مىڭ گەكتارعا دەيٸن ارتتىرۋعا مٷمكٸندٸك بەردٸ. 400 شارۋاشىلىققا ارنالعان 8,3 گا الاڭعا قوسىمشا ەكٸ قىرمان سالىندى.
وبلىستا جالپى 3,3 مىڭ گا باق بار, سونىڭ 675 گەكتارى – اپورت. ٶتكەن جىلى 566 گەكتارعا باق وتىرعىزىلسا, سونىڭ 202 گەكتارىنا اپورت الماسى ەگٸلگەن بولاتىن. مەملەكەت قولداۋىنىڭ نەتيجەسٸندە تامشىلاتىپ سۋارۋ سەكٸلدٸ وزىق تەحنولوگييالار قولدانىلاتىن ٸرٸ ينتەنسيۆتٸ باقتار كٶبەيدٸ. مەسەلەن, ەڭبەكشٸقازاق اۋدانىنداعى «امال بيو» («فرەشفۋد») جشس 45 گەكتارعا 127 مىڭ تٷپتەن استام 30 تٷرلٸ كٶشەت وتىرعىزدى. ۇيعىر اۋدانىنداعى «Alma Prodex»جشس 20 گەكتارعا, سارقان اۋدانىنداعى «سارقان اگرو» جشس 100 گەكتارعا ەكتٸ.
– جالپى وبلىستاعى اگرارلىق سەكتوردا مەملەكەت باسشىسىنىڭ قانت قىزىلشاسىن, جٷگەرٸ مەن باق شارۋاشىلىعىن دامىتۋ تۋرالى تاپسىرمالارى ورىندالدى. باسىمدىق بەرٸلەتٸن داقىلداردى ٶسٸرۋدەگٸ تەجٸريبەلەرٸمٸزدٸ قولدانا وتىرىپ, بٸز ەندٸ سٷتتٸ مال شارۋاشىلىعى مەن كارتوپ ٶندٸرٸسٸن قولعا الۋدى باستايمىز, – دەدٸ ا. باتالوۆ.
الماتى وبلىسى ەكٸمٸنٸڭ باسپاسٶز قىزمەتٸ
https://dalanews.kz/34218
