QR Ónerkásip jáne qurylys mınıstri Qanat Sharlapaev búgin turǵyn úılerdi qalpyna keltirý barysyn baqylaý úshin Batys Qazaqstan oblysyna keldi. Mınıstr Bórli aýdany Keńtúbek, Aqsý, Pýgachevo jáne Araltal aýyldarynda salynyp jatqan nysandardy aralady.

Bórli aýdanyndaǵy Ahýaldyq ortalyǵynyń málimetinshe, tehnıkalyq zertteý qorytyndysy boıynsha 127 úı jaramsyz dep tanylǵan.

Búgingi tańda sý tasqynynan zardap shekkenderge aýdanda 60, Keńtúbek aýylynda – 11, Aqsýda – 23, Pýgachevoda – 12, Araltalda – 14 úı salynýda.

Jumystar «Aqjaıyq» qory, «Qazaq Stroy Almaty» JSHS jáne «Demeý» qory demeýshilerdiń qarajattary esebinen júrgizilýde.

Qurylys jumystaryn «Naýryz» JSHS, «ÝralskStroıInvest» JSHS jáne «DokaStroıKom» JSHS merdigerleri júrgip jatyr. Aǵymdaǵy málimetter boıynsha jumys 85-90 %-ǵa oryndaldy, josparly aıaqtaý merzimi – aǵymdaǵy jyldyń 1 tamyzy.

Sondaı-aq sý tasqynynan zardap shekken azamattarǵa Bórli aýdanynda 66 úı satyp alý josparlanýda.