ق ر ونەركاسىپ جانە قۇرىلىس ءمينيسترى قانات شارلاپايەۆ بۇگىن تۇرعىن ۇيلەردى قالپىنا كەلتىرۋ بارىسىن باقىلاۋ ءۇشىن باتىس قازاقستان وبلىسىنا كەلدى. مينيستر ءبورلى اۋدانى كەڭتۇبەك، اقسۋ، پۋگاچيەۆو جانە ارالتال اۋىلدارىندا سالىنىپ جاتقان نىسانداردى ارالادى.
ءبورلى اۋدانىنداعى احۋالدىق ورتالىعىنىڭ مالىمەتىنشە، تەحنيكالىق زەرتتەۋ قورىتىندىسى بويىنشا 127 ءۇي جارامسىز دەپ تانىلعان.
بۇگىنگى تاڭدا سۋ تاسقىنىنان زارداپ شەككەندەرگە اۋداندا 60، كەڭتۇبەك اۋىلىندا – 11، اقسۋدا – 23، پۋگاچيەۆودا – 12، ارالتالدا – 14 ءۇي سالىنۋدا.
جۇمىستار «اقجايىق» قورى، «Qazaq Stroy Almaty» ج ش س جانە «دەمەۋ» قورى دەمەۋشىلەردىڭ قاراجاتتارى ەسەبىنەن جۇرگىزىلۋدە.
قۇرىلىس جۇمىستارىن «ناۋرىز» ج ش س، «ۋرالسكسترويينۆەست» ج ش س جانە «دوكاسترويكوم» ج ش س مەردىگەرلەرى جۇرگىپ جاتىر. اعىمداعى مالىمەتتەر بويىنشا جۇمىس 85-90 %-عا ورىندالدى، جوسپارلى اياقتاۋ مەرزىمى – اعىمداعى جىلدىڭ 1 تامىزى.
سونداي-اق سۋ تاسقىنىنان زارداپ شەككەن ازاماتتارعا ءبورلى اۋدانىندا 66 ءۇي ساتىپ الۋ جوسپارلانۋدا.
