Memleket basshysy Qasym-Jomart Toqaev Ulttyq quryltaida tilimizdiń qoldaný aiasyn keńeite túsý memlekettik saiasattyń basty baǵyty bolyp qala beretinin málimdedi, - dep habarlaidy Dalanews.kz.
Sonymen qatar, "Qazaq tili qoǵamynyń" mańyzyn aitty.
"Osy tusta, halyqaralyq "Qazaq tili qoǵamy" týraly erekshe atap ótkim keledi. Qazir Ulttyq Quryltaidyń múshesi Raýan Kenjehanuly bastaǵan jańa býyn ókilderi uiym tizginin qolǵa aldy. Men qoǵamnyń "Qazaq tili" endaýment qoryn qurý týraly usynysyn qoldadym. Osy jaqsy bastamany qolynda qarjysy bar azamattar jalǵastyryp áketti. Tilimizge qamqorlyq tanytqan jandarǵa erekshe rizashylyǵymdy bildiremin. Qaltaly, janashyr azamattar qordy ulǵaitýǵa úles qosady dep senemin.
Men ekonomikany damytý úshin "Kreativti indýstriianyń" mán-mańyzy zor ekenin únemi aityp júrmin. Bul memlekettik tildiń bolashaǵy úshin de óte mańyzdy. Qazaq tilin damytamyz desek, qazirgi zamanǵy ádis-tásilderdi barynsha tiimdi paidalanǵan durys", - dedi Toqaev.
