2025 jylǵy qyrkúiek aiyndaǵy resmi derekterge sáikes, eldegi infliatsiia deńgeii jańa beleske kóterildi. Ulttyq statistika biýrosynyń málimetinshe, qyrkúiekte ailyq infliatsiia 1,1%- dy qurap, jyldyq kórsetkish 12,9%-ǵa jetken. Bul- halyqtyń kúndelikti ómirine tikelei áser etetin mańyzdy ekonomikalyq faktorlardyń biri, dep habarlaidy Dalanews.kz.
Qandai salalarda baǵa kúshtirek ósti?
Eń joǵary ósim aqyly qyzmetter sektorynda baiqaldy. 2025 jyldyń tamyzdaǵy derekter boiynsha, 15,3%- bolǵan edi.
Jyldyq ósim- 12,7% (tamyzda bul kórsetkish 11,7% bolǵan).
Turmystyq himiia, kiim-keshek, qurylys materialdary syndy azyq- túlik emes taýarlardyń baǵasy da bir jylda 10,8%-ǵa ósken. Tamyzda bul kórsetkish 9,7% edi.
Qazaqstan óńirlerindegi jyldyq infliatsiia: qai oblysta baǵa sharyqtady?
2025 jyldyń qyrkúiek aiynda Qazaqstan boiynsha jyldyq infliatsiia deńgeii 12,9%-ǵa jetti. Bul ótken jylǵy 8,3% jáne 2023 jylǵy 11,8% kórsetkishterimen salystyrǵanda edáýir joǵary. Eldegi baǵa ósimi tek respýblikalyq deńgeide ǵana emes, óńirler boiynsha da ártúrli qarqynda baiqalýda.
Eń joǵary infliatsiia tirkelgen óńirler:
2025 jyly infliatsiia eń joǵary kórsetkishke jetken oblystar qatarynda:
Qaraǵandy oblysy- 14,9%
Ulytaý oblysy- 14,4%
Soltústik Qazaqstan oblysy- 13,6%
Batys Qazaqstan jáne Aqtóbe oblystary- 13,5%
Atyraý jáne Aqmola oblystary- 13,4%
Astana qalasy- 13,4%
Shymkent qalasy- 13,3%
Almaty qalasy- 13,2%
Bul óńirlerde azyq-túlik, turǵyn úi-kommýnaldyq qyzmetter men kúndelikti tutynnatyn taýarlardyń baǵasy aitarlyqtai óskeni baiqalady. Qalalyq jerlerdegi logistikalyq shyǵyndar, halyqtyń tutyný deńgeii men naryqtaǵy suranys ta bul kórsetkishke áser etýde.
Eń tómen infliatsiia tirkelgen óńirler:
Qyzylorda oblysy- 10,9%
Jambyl oblysy- 11,6%
Qostanai oblysy- 12,0%
Abai jáne Mańǵystaý oblystary- 12,0%-12,1%
Eń kóp arzandaǵan ónimder
Tómendegi ónimderde baǵa kúrt tómendegen:
Piiaz- 15,6%- ǵa arzandady
Kartop-10,3%
Qyzylsha-9,5%
Qyryqqabat-9,3%
Sábiz-9,0%
Júzim-6,6%
Qyzanaq-5,9%
Limon-5,3%
Alma-4,8%
Bul ónimderdiń arzandaýy kóbine maýsymdyq faktorlarmen bailanysty. Kúz aiynda aýyl sharýashylyǵy ónimderiniń negizgi bóligi jinalyp, naryqqa mol kólemde jetkiziledi. Nátijesinde suranys pen usynys teńesip, baǵa tómendeidi.
Qai ónimder qymbattady?
Sonymen qatar, keibir azyq-túlik túrleri qyrkúiek aiynda sál de bolsa qymbattaǵan:
Taǵamdyq soda- +2,8%
Kofe - +2,6%
Apelsin -+2,5%
Jarmalar (qurt, qaraqumyq t.b. )- +1,5%
Konservilengen jemister -+1,2%
2025 jyldyń qyrkúieginde Qazaqstandaǵy jyldyq infliatsiia deńgeii 12,9%-dy qurady. Bul ótken jyldyń osy kezeńimen salystyrǵanda baǵanyń aitarlyqtai óskenin kórsetedi.
Jyldyq salystyrýda keibir taýarlar arzandaǵan:
Kúrish- 8,2%-ǵa arzandady
Qurma (kýraga)- 3,5%
Arahis- 2,2%
Alaida jalpy alǵanda, qurǵaq jemister men jańǵaqtardyń baǵasy bir jyl ishinde 2,3%- ǵa ósken.
Baǵasy ósken qyzmet túrleri
2024 jyldyń qyrkúiegimen salystyrǵanda kelesi qyzmet túrlerinde baǵa aitarlyqtai kóterilgen:
Aiaq kiim jóndeý qyzmeti- 9,4%- ǵa qymbattady
Turǵyn úilerge qyzmet kórsetý men jóndeý- 6,9%
Basseinge barý qyzmeti- 10,3%
Trenajer zaldaryna jazylý- 9,5%
Bul ósim qyzmet kórsetý salasyndaǵy infliatsiianyń áli de joǵary qarqynda ekenin kórsetedi. Ásirese jeke turmystyq qyzmetter men demalysqa bailanysty servisterdiń qymbattaýy halyqtyń kúndelikti shyǵynyn arttyryp otyr.
Tutyný baǵasy indeksi (TBI) qalai esepteledi?
Tutyný baǵasy indeksi – halyqtyń tutyný sebetine kiretin taýarlar men qyzmetterdiń baǵasynyń ózgerýin ólsheitin negizgi kórsetkish. Ol ai saiyn 508 túrli taýar men qyzmet túrine negizdelip esepteledi.
2025 jylǵy qantardan bastap TBI qurylymy mynadai úles salmaqpen esepteledi:
Azyq-túlik taýarlary- 40%
Azyq túlik emes taýarlar- 30,3%
Aqyly qyzmetter- 29,7%
