Qala kúni aiasynda «Táýelsizdik ushqyny» stelasy ashyldy
«Táýelsizdik ushqyny» alaýynyń eni 4*4 metrdi, biiktigi 4*6 metrdi quraidy. Ondaǵy alaý oty jalyndaǵan jastardyń táýelsizdikke degen umtylysyn, erik-jigerin bildiredi.
Alleiany ashýǵa Taraz qalalyq qoǵamdyq keńestiń tóraǵasy Qarjaýbai Bekbolatov, «Patriottyq qozǵalys «Jeltoqsan aqiqaty» respýblikalyq qoǵamdyq birlestiginiń oblystyq filialynyń tóraǵasy Sanat Qonarbaev shaqyryldy.
Esterińizge sala keteiik, atalmysh eskertkishten bólek búgin qala kóleminde Jambyl aqynnyń eskertkishi, oblys ákimdiginiń ǵimaraty mańynda jáne ortalyq «Dostyq» alańynda túrli-tústi sazdy áýen yrǵaǵymen oinaityn tórt sýburqaq, «Temir jol vokzaly alleiasy», Qairat Rysqulbekov saiabaǵy men batyrdyń eskertkishi paidalanýǵa berildi.
Jeńis saiabaǵynda ornalasqan «Tyl eńbekkerlerine», «Aýǵan soǵysynyń ardagerlerine», «Chernobl apatyna qatysýshylarǵa» arnalǵan eskertkishter ashylady.
Sondai-aq búgin qalamyzda «Jeltoqsan tolqyny» ataýymen elimizdegi eń uzyn ári maǵynasy zor sýburqaq, Jeltoqsan oqiǵasyna qatysýshylarǵa arnalǵan, «Ǵibrat» ortalyǵy ashylmaq.
Sonymen qatar, tarazdyqtar «Úshbulaq» jaǵalaýyndaǵy demalys aýmaǵynyń ashylýyn tamashalaidy.
08 INFO
