«تاۋەلسىزدىك ۇشقىنى» الاۋىنىڭ ەنى 4*4 مەتردى، بيىكتىگى 4*6 مەتردى قۇرايدى. ونداعى الاۋ وتى جالىنداعان جاستاردىڭ تاۋەلسىزدىككە دەگەن ۇمتىلىسىن، ەرىك-جىگەرىن بىلدىرەدى.
اللەيانى اشۋعا تاراز قالالىق قوعامدىق كەڭەستىڭ ءتوراعاسى قارجاۋباي بەكبولاتوۆ، «پاتريوتتىق قوزعالىس «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ وبلىستىق فيليالىنىڭ ءتوراعاسى سانات قوناربايەۆ شاقىرىلدى.
ەستەرىڭىزگە سالا كەتەيىك، اتالمىش ەسكەرتكىشتەن بولەك بۇگىن قالا كولەمىندە جامبىل اقىننىڭ ەسكەرتكىشى، وبلىس اكىمدىگىنىڭ عيماراتى ماڭىندا جانە ورتالىق «دوستىق» الاڭىندا ءتۇرلى-تۇستى سازدى اۋەن ىرعاعىمەن وينايتىن ءتورت سۋبۇرقاق، «تەمىر جول ۆوكزالى اللەياسى»، قايرات رىسقۇلبەكوۆ ساياباعى مەن باتىردىڭ ەسكەرتكىشى پايدالانۋعا بەرىلدى.
جەڭىس ساياباعىندا ورنالاسقان «تىل ەڭبەككەرلەرىنە»، «اۋعان سوعىسىنىڭ ارداگەرلەرىنە»، «چەرنوبل اپاتىنا قاتىسۋشىلارعا» ارنالعان ەسكەرتكىشتەر اشىلادى.
سونداي-اق بۇگىن قالامىزدا «جەلتوقسان تولقىنى» اتاۋىمەن ەلىمىزدەگى ەڭ ۇزىن ءارى ماعىناسى زور سۋبۇرقاق، جەلتوقسان وقيعاسىنا قاتىسۋشىلارعا ارنالعان، «عيبرات» ورتالىعى اشىلماق.
سونىمەن قاتار، تارازدىقتار «ءۇشبۇلاق» جاعالاۋىنداعى دەمالىس اۋماعىنىڭ اشىلۋىن تاماشالايدى.
08 ينفو
