BAQ pen áleýmettik jelide eks-ministr Qýandyq Bishimbaevqa qatysty túrli aqparat taraǵannan keiin QAJK ókilderi jaýap berdi, - dep habarlaidy Dalanews.kz.
Tengrinews.kz málimetinshe, Qylmystyq-atqarý júiesi komiteti sottalǵan eks-ministr Qýandyq Bishimbaev jazasyn ótep jatqan koloniiany atamaǵan.
"Sottalǵan adam qylmystyq-atqarý júiesiniń qaýipsizdigi barynsha joǵary mekemesinde sot taǵaiyndaǵan jazasyn ótep jatyr. Sottalǵan adam jazasyn ótep jatqan oryn týraly qoldanystaǵy zańnamaǵa sáikes (Qylmystyq-atqarý kodeksiniń 25 - baby) onyń jaqyn týystaryna habardar etildi", - dep jaýap berdi komitette basylymǵa.
Sonymen qatar, Qýandyq Bishimbaevtyń koloniiada jumys istemeitini aityldy.
Aita keteiik, 2024 jyly 26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
Áielin óltirgeni úshin qamaýǵa alynǵan Qýandyq Bishimbaev eń joǵary qaýipsizdik mekemesinde jazasyn ótep jatyr.
Buǵan deiin de QAJK ókilderi koloniiada eks-ministr úshin qolaily oryn áli bos emes ekenin, sondyqtan jumysqa turmaǵanyn málimdedi.
Al 12 qarashada apelliatsiialyq alqa Qýandyq Bishimbaevty ata-ana quqyǵynan aiyrý týraly shaǵymmen onyń burynǵy áieliniń talap aryzyn qarady.
Sot málimetinshe, eks-ministr balalarynyń tegin ózgertýine qarsy bolmady, alaida ony ata-ana quqyǵynan aiyrmady.
