«Rýhani jańǵyrý» qazaqstandyq qoǵamdyq damý institýtynda QR Táýelsizdiginiń 30 jyldyǵyna orai uiymdastyrylǵan qajyrly eńbektiń arqasynda jetistikke jetken tulǵalardyń «Qajyrly eńbek – tabys kilti» atty elektrondy flaerler ázirleý jobasynyń jeńimpazdary marapattaldy.
Atalmysh joba memlekettik ideologiialyq saiasattyń bir bóligi bolyp tabylatyn, halyqty eńbekke baýlý, adal qyzmet etýge umtylý, urpaqqa ónege retinde úzdiksiz bilim berýge jáne ózin-ózi damytýǵa shaqyrý qundylyqtaryn keńinen el ishinde dáripteýge arnalǵan.
Jobanyń basty maqsaty Qazaqstan Respýblikasy Táýelsizdiginiń 30 jyldyǵynda ár salada qajyrly eńbektiń arqasynda jetistikke jetken adamdardyń tájiribesin, eńbekqorlyq qundylyqtary men udaiy ózin-ózi jetildirý ideiasyn taratý arqyly eńbekke degen súiispenshilikti nasihattaý bolyp tabylady.
Jobaǵa bilim berý, ǵylym, meditsina, mádeniet, aýyl sharýashylyǵy jáne ónerkásip eńbek salalary boiynsha qajyrly eńbektiń arqasynda kórnekti jetistikke jetken tulǵalar qatysyp, tulǵalardyń jetistikteri nasihattaldy.
Atalǵan 6 sala boiynsha qatysýshylar ózderiniń kásibi biliktiligimen jetistikke jetken ómirbaiany, qyzmeti jáne jetistiktikteri týraly aqparattardy Ruh.kz portalynyń @ruh_qz Instagram paraqshasynda #qajyrlyeńbek #vydaiýshiisiaýspeh heshtegterin qoldana otyryp posttar jariialady.
Jariialanǵan 654 posttyń 282-si aqparattyq bolsa, 372-sin elimizdiń óńirlerindegi tulǵalardyń ózderi jariialaǵan.
Shyǵys Qazaqstan oblysy boiynsha baiqaýǵa qatysqan úmitkerlerimizdiń ishinen aýyl sharýashylyq, bilim berý jáne ónerkásip salalarynan Qýanysh Serikqazyuly Súleimenov (mal sharýashylyǵy kásipkeri), Liýbov Anatolevna Popova - (óndiristik oqytý sheberi), Babagýmar Baibýsinov Mýhtarovich (balqytýshy) jeńimpazdar atandy.
