Qazaqstan Ulttyq paralimpiada komitetiniń prezidenti Qairat Boranbaev Halyqaralyq zaǵiptar sport federatsiiasy – IBSA-nyń Atqarýshy keńesiniń múshesi bolyp taǵaiyndaldy.
Tiisti sheshim 2026 jylǵy 3 tamyzda ótken IBSA Atqarýshy keńesiniń otyrysynda uiym Jarǵysynyń 6.13-babyna sáikes qabyldanǵan.
IBSA – kórý qabileti buzylǵan sportshylar arasynda sport túrlerin damytýmen ainalysatyn halyqaralyq uiym. Federatsiia álemniń 100-den astam elindegi ulttyq sport uiymdaryn biriktiredi.
Qazaqstan Ulttyq paralimpiada komitetiniń málimetinshe, Qairat Boranbaevtyń halyqaralyq federatsiianyń basqarýshy organyna qosylýy elimizdiń paralimpiadalyq qozǵalystaǵy yqpalyn arttyrýǵa múmkindik beredi.
Sondai-aq bul taǵaiyndaý halyqaralyq yntymaqtastyqty nyǵaityp, kórý qabileti buzylǵan sportshylardy qoldaýǵa baǵyttalǵan bastamalardy ilgeriletýge jáne Qazaqstannyń álemdik parasportty damytýǵa qatysýyn keńeitýge jol ashady.
