Sheshenstan basshysy Ramzan Qadyrovtyń úlken uly Ahmat respýblikanyń dene shynyqtyrý jáne sport ministri bolyp taǵaiyndaldy, - dep habarlaidy Dalanews.kz.
"Dene shynyqtyrý jáne sport ministri qyzmetine Ahmat Qadyrov taǵaiyndaldy. Buryn osy laýazymdy atqarǵan Isa Ibragimov basshynyń jáne úkimet ákimshiligi basshysynyń orynbasary laýazymyna aýystyryldy", - dep jazdy Ramzan Qadyrov óziniń Telegram-arnasynda.
18 jastaǵy Ahmad Qadyrov 2022 jyldan bastap Sheshenstan basshysynyń keńesshisi, Resei balalar men jastar qozǵalysynyń aimaqtyq tóraǵasy qyzmetin atqardy.
Resei prezidenti Vladimir Pýtinniń jaqtaýshysy, Sheshenstan basshysy Qadyrovtyń taǵy bir qyzy buǵan deiin de shendi qyzmetke kelgen edi.
Hadijat Sheshenstan basshysy ákimshiligi basshysynyń birinshi orynbasary boldy. Ol áleýmettik sala boiynsha birinshi orynbasar laýazymyna taǵaiyndaldy. Bul usynysty Úkimet basshysy Galas Taimashanov jasaǵan.
Buǵan deiin Qadyrovtyń qyzy Groznyi meriiasynyń mektepke deiingi bilim departamentiniń basshysy qyzmetin, sonymen qatar, qoǵamdyq jumystar da atqarǵan edi.
