«Eır Astana» AQ dırektorlar keńesi Pıter Foster 2026 jyldyń naýryzynyń sońynda bas atqarýshy dırektor jáne dırektorlar keńesine múshesi qyzmetterinen ketedi, dep habarlaıdy Dalanews.kz.
Foster kompanıalar tobymen baılanysyn saqtap, dırektorlar keńesine aǵa keńesshisi retinde óz qyzmetin jalǵastyrady.
Qarjy jónindegi atqarýshy dırektor Ibrahım Janlyel osy kezeńde bas atqarýshy dırektor qyzmetine taǵaıyndalatyn bolady.
«Eır Astana» AQ Dırektorlar keńesiniń tóraǵasy Nurlan Jaqupov:
«Dırektorlar keńesi Pıter Fosterge kompanıany 20 jyl boıy basqarýdaǵy eren eńbegi úshin shyn júrekten alǵys bildiredi – ol Kompanıany qurylǵan kezeńinen bastap búgingi tańda Qazaqstan men Ortalyq Azıanyń jetekshi áýe kompanıasyna jáne álemdik avıasıa salasynda moıyndalǵan brendke deıin jetkizdi. Dırektorlar keńesi Ibrahım Janlyeldiń bas atqarýshy dırektor qyzmetine taǵaıyndalýyn quptaıdy. Janlyel myrza 2003 jyldan kompanıalar tobynyń quramynda jumys istep keledi: bastapqyda komersıalyq baǵyttaǵy basshylyq qyzmetterdi atqaryp, 2017 jyldan beri qarjy jónindegi atqarýshy dırektory laýazymyn ıelenip keledi. Onyń kompanıanyń damýyna qosqan úlesi zor, ári ol toptyń qyzmeti men jalpy avıasıa salasy boıynsha mol tájirıbege ıe. Dırektorlar keńesi onyń basshylyǵymen kompanıanyń ósýi men jańa jetistikterge jetetinine tolyq senimdi».
