6 tamyz kúni tańerteń Almatydaǵy "Atakent" mańyndaǵy saiabaqta jattyǵý jasap júrgen balalarǵa er adam shabýyl jasaǵan, dep habarlaidy dalanews.kz.
CMN.kz málimetinshe, aldymen er adam qyz balany urmaq bolǵan. Alaida qyz jaltaryp úlgergen. Osydan keiin ol 10 jastaǵy balanyń kózine judyryqpen soqqy jasaǵan. Saldarynan balanyń kózi kógerip, dene jaraqatyn alǵany tirkeldi.
Ata-analardyń sózinshe, sol sátte oqiǵa ornynda Qazaqstan Qorǵanys ministrligi Bitimgerlik daiarlyq ortalyǵynyń áskeri qyzmetshileri bolǵan. Olar birden aralasyp, kúdiktini ustap, politsiia shaqyryp, ony tártip saqshylaryna tapsyrǵan.
Oqiǵadan keiin ata-analar politsiiaǵa aryz jazyp, balanyń alǵan jaraqattaryn meditsinalyq turǵyda tirkegen.
Áskeri qyzmetshilerdiń málimetinshe, ustalǵan azamat qarsylyq kórsetý kezinde "qazaqtardy jek kóremin" dep aiǵailap, keiin balalarǵa qarai umtylyp, olardy "pyshaqtap tastaimyn" dep qorqytqan. Qazir oqiǵanyń barlyq mán-jaiyn politsiia anyqtap jatyr.
