Human Rights Watch halyqaralyq quqyq qorǵaý uiymy Mońǵoliiaǵa issaparmen kelgen Vladimir Pýtindi qamaýǵa alýǵa shaqyrdy, - dep habarlaidy Dalanews.kz.
RF basshysy 3 qyrkúiekte Mońǵoliiaǵa issaparmen kelgen. Ol Halhin-Gol ózeninde keńes jáne mońǵol áskerleriniń Japon qarýly kúshterine qarsy birlesken Jeńisiniń 85 jyldyǵyna arnalǵan is-sharaǵa qatysady. Ony el prezidenti Ýhnaagiin Hýrelsýh 2023 jyly Beijińdegi kezdesýde shaqyrdy.
Bul Pýtinniń halyqaralyq qylmystyq sottyń Rim statýtyn ratifikatsiialaǵan elge ony qamaýǵa alý orderi shyqqannan bergi birinshi sapary. Resei prezidentine ýkrainalyq balalardy Kiev baqylaityn aýmaqtarǵa zańsyz tasymaldady degen aiyp taǵylǵan bolatyn.
Bloomberg agenttiginiń málimetinshe, Ulan-Batyr biligi Pýtindi elge kelgen soń qamaýǵa alynbaidy dep sendirgen. Mońǵoliia RF basshysyn qyzyl kilemmen, qaraýylmen kútip alǵan.
Halyqaralyq quqyq qorǵaý uiymynyń ókilderi Ulan-Batyr biligi Pýtinniń elge kelýine kedergi jasamasa, Mońǵoliia Halyqaralyq qylmystyq sot múshesi retinde halyqaralyq mindettemelerdi buzady dep eseptep otyr.
Mońǵoliia Halyqaralyq qylmystyq sotqa múshe bolyp 2003 jyly kirgen. Kelisimge sáikes, memleket sotpen birlesip jumys istep, el aýmaǵyna kirgen kúdikti nemese qylmyskerlerdi qamaýǵa alýǵa mindetteledi.
Osylaisha Mońǵoliia Halyqaralyq qylmystyq sotqa múshe el retinde Pýtindi qamaýǵa alatyn birinshi el bolar edi.
Human Rights Watch Pýtin byltyr tamyzda Ońtústik Afrikada ótken BRIKS kóshbasshylarynyń sammitine qatysýy kerek bolǵanyn atap ótti. Ońtústik Afrika da Halyqaralyq qylmystyq sotqa múshe el. Alaida RF basshysy sammitke barmai qoiǵan.
