Jaqynda “Bi-2” rok-tobynyń músheleri gastroldik sapar barysynda Tailandta ustalǵany týraly aqparat taraǵan bolatyn. Iá, bul shyndyqqa janasady. Qazirgi tańda olar Phýkettegi kóshi-qon politsiiasynyń ýaqytsha ustaý izoliatorynda jatyr. Alaida óner ieleri jaqyn arada elden shyǵarylýy múmkin, dep habarlaidy Dalanews.kz.
Mýzykanttar 24 qańtarda Phýkette ótkizgen kontsertten keiin qamaýǵa alynǵan. Al 28 qańtarda toptyń vkontakte jelisindegi paraqshasynda oqiǵaǵa bailanysty alǵashqy málimdeme jariialandy. Jazbada olardyń tutqynǵa alynýyna sebep bolǵan “uiymdastyrýshylar tarapynan durys rásimdelmegen qujattar” ekeni aitylǵan.
Buǵan deiin túrli aqparat kózi atalmysh toptyń Tailandta jumys isteýge ruqsaty bolmaǵany úshin ustalǵanyn habarlaǵan bolatyn.
Osy tusta “Bi-2” ótken jyly Tailandtyń Pattaiia jáne Phýket qalalarynda jergilikti uiymdastyrýshylardyń qatysýymen ári qaýipsizdik sharalarynyń barlyq talabyn saqtai otyryp, kontsertteriniń resmi túrde ótkenin atap ótti.
Top músheleri qamaýǵa alynǵannan keiin politsiia bólimshesiniń kamerasynda baqylaýǵa alynǵan. Al kelesi kúni mýzykanttar sot taǵaiyndaǵan 84 dollar kóleminde aiyppul tólegen. Alaida sot otyrysynda ánshilerde aýdarmashy bolmaǵandyqtan, olar qujattarmen tolyq tanysa almaǵan.
Sot otyrysynan keiin topty Tailand kóshi-qon politsiiasy ustady.Óner ieleri Tailandqa reseilik tólqujatty paidalana otyryp kirgendikten, el biligi mýzykanttardy Máskeýge jiberýi múmkin.
Eske salaiyq, toptyń negizin qalaýshy Leva men Shýra - Izrail azamattary. Ekeýi de Ýkrainamen soǵysqa ashyq túrde qarsylyq tanytqan. Toptyń telegram arnasynda olardyń Resei azamaty emes ekenin habarlanǵan bolatyn.
Tailandtaǵy Resei elshiliginiń konsýldyq bólimi toptyń qalǵan úsh múshesin Tailandtan Reseige deportatsiialaýǵa bolatynyn málimdedi. Óitkeni olardyń basqa azamattyǵy joq.
“Koroldik immigratsiialyq biýronyń ýaqytsha ustaý izoliatoryna jetkizilgennen keiin olardyń kelisiminsiz deportatsiialaýǵa bolmaidy. Eger azamat qaityp kelýden bas tartsa, onda kelisimin bermeiinshe 5-10 jyl kóleminde sol jaqta júre alady. Biz bul jaǵdaida eshnárse istei almaimyz. Tek reseilik qujaty bar top múshelerin Reseige deportatsiialaný múmkindigi bar. Basqa amal joq” - deidi Resei konsýldyǵy.
Reseilik propagandanyń aitýynsha áigili ánshilerdi qatań jaza kútip tur.
"Sheteldik agent" degen statýspen qutylmaidy. "Arnaiy operatsiiaǵa" qarsy shyqqany úshin jaqsylap sazaiyn alady. Abaqtyǵa qamalyp, uzaq merzimge sottalsa da tańǵalmaimyz", deidi reseilik BAQ.
