جاقىندا “بي-2” روك-توبىنىڭ مٷشەلەرٸ گاسترولدٸك ساپار بارىسىندا تايلاندتا ۇستالعانى تۋرالى اقپارات تاراعان بولاتىن. يە, بۇل شىندىققا جاناسادى. قازٸرگٸ تاڭدا ولار پحۋكەتتەگٸ كٶشٸ-قون پوليتسيياسىنىڭ ۋاقىتشا ۇستاۋ يزولياتورىندا جاتىر. الايدا ٶنەر يەلەرٸ جاقىن ارادا ەلدەن شىعارىلۋى مٷمكٸن, دەپ حابارلايدى Dalanews.kz.
مۋزىكانتتار 24 قاڭتاردا پحۋكەتتە ٶتكٸزگەن كونتسەرتتەن كەيٸن قاماۋعا الىنعان. ال 28 قاڭتاردا توپتىڭ ۆكونتاكتە جەلٸسٸندەگٸ پاراقشاسىندا وقيعاعا بايلانىستى العاشقى مەلٸمدەمە جارييالاندى. جازبادا ولاردىڭ تۇتقىنعا الىنۋىنا سەبەپ بولعان “ۇيىمداستىرۋشىلار تاراپىنان دۇرىس رەسٸمدەلمەگەن قۇجاتتار” ەكەنٸ ايتىلعان.
بۇعان دەيٸن تٷرلٸ اقپارات كٶزٸ اتالمىش توپتىڭ تايلاندتا جۇمىس ٸستەۋگە رۇقساتى بولماعانى ٷشٸن ۇستالعانىن حابارلاعان بولاتىن.
وسى تۇستا “بي-2” ٶتكەن جىلى تايلاندتىڭ پاتتاييا جەنە پحۋكەت قالالارىندا جەرگٸلٸكتٸ ۇيىمداستىرۋشىلاردىڭ قاتىسۋىمەن ەرٸ قاۋٸپسٸزدٸك شارالارىنىڭ بارلىق تالابىن ساقتاي وتىرىپ, كونتسەرتتەرٸنٸڭ رەسمي تٷردە ٶتكەنٸن اتاپ ٶتتٸ.
توپ مٷشەلەرٸ قاماۋعا الىنعاننان كەيٸن پوليتسييا بٶلٸمشەسٸنٸڭ كامەراسىندا باقىلاۋعا الىنعان. ال كەلەسٸ كٷنٸ مۋزىكانتتار سوت تاعايىنداعان 84 دوللار كٶلەمٸندە ايىپپۇل تٶلەگەن. الايدا سوت وتىرىسىندا ەنشٸلەردە اۋدارماشى بولماعاندىقتان, ولار قۇجاتتارمەن تولىق تانىسا الماعان.
سوت وتىرىسىنان كەيٸن توپتى تايلاند كٶشٸ-قون پوليتسيياسى ۇستادى.ٶنەر يەلەرٸ تايلاندقا رەسەيلٸك تٶلقۇجاتتى پايدالانا وتىرىپ كٸرگەندٸكتەن, ەل بيلٸگٸ مۋزىكانتتاردى مەسكەۋگە جٸبەرۋٸ مٷمكٸن.
ەسكە سالايىق, توپتىڭ نەگٸزٸن قالاۋشى لەۆا مەن شۋرا - يزرايل ازاماتتارى. ەكەۋٸ دە ۋكراينامەن سوعىسقا اشىق تٷردە قارسىلىق تانىتقان. توپتىڭ telegram ارناسىندا ولاردىڭ رەسەي ازاماتى ەمەس ەكەنٸن حابارلانعان بولاتىن.
تايلاندتاعى رەسەي ەلشٸلٸگٸنٸڭ كونسۋلدىق بٶلٸمٸ توپتىڭ قالعان ٷش مٷشەسٸن تايلاندتان رەسەيگە دەپورتاتسييالاۋعا بولاتىنىن مەلٸمدەدٸ. ٶيتكەنٸ ولاردىڭ باسقا ازاماتتىعى جوق.
“كورولدٸك يمميگراتسييالىق بيۋرونىڭ ۋاقىتشا ۇستاۋ يزولياتورىنا جەتكٸزٸلگەننەن كەيٸن ولاردىڭ كەلٸسٸمٸنسٸز دەپورتاتسييالاۋعا بولمايدى. ەگەر ازامات قايتىپ كەلۋدەن باس تارتسا, وندا كەلٸسٸمٸن بەرمەيٸنشە 5-10 جىل كٶلەمٸندە سول جاقتا جٷرە الادى. بٸز بۇل جاعدايدا ەشنەرسە ٸستەي المايمىز. تەك رەسەيلٸك قۇجاتى بار توپ مٷشەلەرٸن رەسەيگە دەپورتاتسييالانۋ مٷمكٸندٸگٸ بار. باسقا امال جوق” - دەيدٸ رەسەي كونسۋلدىعى.
رەسەيلٸك پروپاگاندانىڭ ايتۋىنشا ەيگٸلٸ ەنشٸلەردٸ قاتاڭ جازا كٷتٸپ تۇر.
"شەتەلدٸك اگەنت" دەگەن ستاتۋسپەن قۇتىلمايدى. "ارنايى وپەراتسيياعا" قارسى شىققانى ٷشٸن جاقسىلاپ سازايىن الادى. اباقتىعا قامالىپ, ۇزاق مەرزٸمگە سوتتالسا دا تاڭعالمايمىز", دەيدٸ رەسەيلٸك باق.
