AQSh barlaýy qyzmetiniń málimetinshe, Resei jaqynda Ýkrainadaǵy memlekettik nysandar men qoǵamdyq infraqurylymdarǵa shabýyldaýdy josparlaǵan.
Bul týraly Reuters pen The New York Times amerikalyq sheneýnik málimdemesine silteme jasai otyryp habarlady.
AQSh biligi kóp adam estip, qaýipten saqtansyn degen maqsatpen barlaý qyzmetiniń málimetin ádeii taratty.
Ýkraina búgin Memlekettik bairaq kúnin atap ótip jatyr.
Erteń, 24 tamyz - Ýkraina táýelsizdigi kúni. Bunyń aldynda prezident Vladimir Zelenskii mereke kúnderi Resei "asa qatygez áreketke" barýy múmkin ekenin eskertken.
Ýkraina qorǵanys ministrliginiń Bas barlaý basqarmasy da ýkraindyqtarǵa mereke kúnderi asa saq bolýǵa keńes berdi. "Eldiń ishki-syrtynda zymyran soqqylary jáne basqa da arandatý áreketteri bolýy múmkin", — dep málimdedi barlaý basqarmasynyń ókili Andrei Iýsov.
Bul aptada Kievte kóp adam jinalatyn sharalarǵa tyiym salyndy. Qala politsiiasy turǵyndardy 23-25 tamyz aralyǵynda áýe dabylyna beijai qaramaýǵa shaqyrdy.
https://dalanews.kz/news/78549-putin-madenietten-zhurday-ol-toqaevty
