New York Times basylymynyń jazýynsha, jańa qarýlar maidan alańynda ýkrain sarbazdarynyń mańyzdy nysandar joiýǵa múmkindik beredi.
Óz kezeginde Djo Baiden AQSh Ýkrianaǵa zamanaýi qarý túrlerin jetkizýdi toqtatpaitynyn alǵa tartty. Aldaǵy ýaqytta Amerikadan Ýkrainaǵa tanke qarsy qoldanatyn Javelin, zenitti Stinger zymyrany, artilleriialyq jáne joǵary dáldikke ie zymyrandar kesheni, ózdiginen ushatyn áskeri quraldar, radarlar, Mi-17 tikushaǵy men kóptegen oq-dárilerdi úzdiksiz jetkizilmek.
Osylaisha Aq úi qojaiyny aldaǵy ýaqytta táýelsiz, demokratiialyq qundylyqtardy tý etken Ýkrainanyń ósip-órkendeitine senim bildirdi. Bul rette agressorlarmen jan aiamai kúresip jatqan Ýkriana halqyna AQSh barynsha qolaý kórsetýin jalǵasytara bermek.
Sonymen qatar Djo Baiden Ýkraina men Resei arasyndaǵy beibit kelissózder tyǵyryqqa tirelgenin de alǵa tartty. Sol sebepti Kreml soǵysty odan ary údetip, Ýkrainanyń biraz jerin basyp alýǵa kúsh salyp jatqanyn aitty. Mundai jaǵdaida AQSh Ýkrainanyń qorǵys qabiletin arttyrýǵa barynsha qoldaý kórsetetin bolady.
Djo Baidenniń paiymdaýynsha, Resei prezidenti Vladimir Pýtin Batys elderi Ýkraianaǵa munshalyqty qoldaý kórsetedi dep oilamaǵan. «Eger Pýtin aldaǵy ailarda Ýkrainanyń jaqtastary óz pozitsiiasyn ózgertedi dep oilasa, ol qatty qatelesedi!» dep AQSh prezidenti Pýtinge eskertý jasady.
