Keshe reseilik oppozitsioner Aleksei Navalnyi qaitys bolǵany týraly aqparat taraǵan edi. Ol túzeý koloniiasynda otyrǵan jerinde kóz jumǵan. Onyń áieli Iýliia Navalnaia Miýnhen qaýipsizdik konferentsiiasynda málimdeme jasady, - dep habarlaidy Dalanews.kz
Ol bul jaitqa ne senerin, ne senbesin bilmegen.
"Búgingi sumdyq habardy bárińiz estigen shyǵarsyzdar. Osylai shyqsam ba, birden balalaryma ushsam ba eken dep kóp oilandym. Alaida meniń ornymda Aleksei bolǵanda, ne ister edi dep te oilandym. Onyń osynda bolaryna senimdi boldym. Osy sahnada bolar edi.
Reseidegi memlekettik aqparat kózderinen ǵana alǵan sumdyq habarǵa sener-senbesimdi bilmei otyrmyn. Óitkeni kóp jyl boiy biz Pýtinge jáne onyń úkimetine sene almaimyz, muny bárińiz de bilesizder. Olar ylǵi ótirik sóileidi.
Alaida bul ras bolsa, Pýtin men onyń ainalasyndaǵylardyń bári otbasyma jáne kúieýime jasaǵandary úshin jaýap beretinin bilse eken deimin jáne bul kún óte jaqyn ýaqytta týady", - deidi ol.
Sonymen qatar, Iýliia Navalnaia búkil álem qaýymdastyǵyn osy jaýyzdyqty jeńýge shaqyrdy.
"Dál qazirgi Reseidegi adam tózgisiz rejimdi jeńýimiz kerek. Bul rejim de, Vladimir Pýtin de keiingi jyldary Reseige jasaǵan sumdyq áreketteri úshin jeke jaýap berýge tiis, - dedi Iýliia Navalnaia.
Aita keteiik, Aleksei Navalnyi - reseilik saiasatker, zańger, eldegi jemqorlyq pen paraqorlyqty áshkereleitin tergeýler arqyly aty shyqqan oppozitsiia kóshbasshylarynyń biri. Navalnyi ózin Vladimir Pýtin basqarǵan Resei biliginiń basty qarsylasy dep ataǵan.
