Shymkentte psihikalyq ortalyqtyń eki qyzmetkerine naýqas qyzdardy zorlaǵany úshin úkim shyǵaryldy,- dep habarlaidy Dalanews.kz qalalyq sottyń baspasóz qyzmetine silteme jasap.
Is materialdaryna sáikes, sottalýshylar Túrkistan oblysynyń psihikalyq densaýlyq ortalyǵynyń № 3 áielder bólimshesinde sanitar-baqylaýshy bolyp jumys istegen. Olar 2024 jyldyń shildesinde eki naýqasty zorlaǵan, olardyń biri kámeletke tolmaǵan.
Sotta sanitarlar jábirlenýshilerdiń dármensiz kúide bolyp, qarsylyq kórsete almaityndyǵyn paidalanǵanyn atap ótti. Olar naýqastardy teledidar qaraityn bólmede jáne kóshe baspaldaqtaryna aparatyn jerde zorlaǵan.
Jeńildetetin jaǵdailar retinde sot sottalýshylardyń ekeýinde de kámeletke tolmaǵan balalardyń bolýyn eskerdi: bireýinde - eki, ekinshisinde - alty. Er adamdar ómir boiyna kámeletke tolmaǵandarmen jumys isteý quqyǵynan jáne 15 jylǵa bas bostandyǵynan aiyryldy.
Jábirlenýshilerdiń árqaisysynyń paidasyna 10 mln teńgeden moraldyq ziian óndirildi. Olardyń bireýi advokattyń qyzmetine 600 myń teńge kóleminde aqy tóleidi.
Úkim áli zańdy kúshine engen joq.
Eske salaiyq, Shymkenttegi psihikalyq densaýlyq ortalyǵynda emdelgen eki qyz "mekeme qyzmetkerleri birneshe ret zorlady" dep málimdedi. Qyzdardyń biri kámeletke tolmaǵan. Ol zorlyqtan keiin boiyna bala bitip, densaýlyǵyna bailanysty túsik jasatqan.
