«Priǵojindi shildede óltirip, máiitin tońazytqyshqa salyp qoiǵan». Barlaýshy óz joramalyn aitty
Eks-shpion Evgenii Priǵojinniń Máskeýge qarsy joryǵynan keiin kóp ýaqyt ótpei óltirilgenin alǵa tartyp otyr.
– Pýtinniń baskeserleri shilde aiynyń aiaǵynda Priǵojinniń kózin joiǵany bolýy múmkin. Dál sol ýaqytta onyń oń qoly sanalatyn Ýtkinniń de birge óltirilgeni anyq. Pýtinniń jandaishaptary Vagnerdiń jetekshilerin shildede óltirip, olardyń máiitin tońaztqyshqa salyp, saqtap qoiǵan siiaqty. Ushaqtyń qulaýy instsenirovka.
Al «Afrikadamyz. Aýa temperatýrasy +50 gradýs» dep bastalatyn Priǵojinniń vidosy montajdalǵan dúnie. Óitkeni bas ainaldyrar ystyqtan qalyń kiingen Priǵojinniń shekesiniń jipsip terlemeýi kúdik týǵyzady, – deidi eks-shpion Sergei Jirnov.
Sonymen qatar "úsh áriptiń" burynǵy qyzmetkeri Resei biiligi shilde aiynda Priǵojinniń ólimine qatysty aqparattyń taramaǵanyn bylai túsindiredi.
– Priǵojin bilikke qarsy búlikti bastaǵan sátte onyń baskeserleriniń qolynda tankter men túrli zymyrandar bolady. Eger sol kezde onyń ólgenin jariialasa, Reseide alapat soǵys bolar edi. Sol sebepti Kreml "Ýagnerdiń" baskeserlerin qarýsyzdandyrǵansha Priǵojinniń ólimi jaiynda tis jarǵan joq, – deidi.
Aitpaqshy, Priǵojin búligi Qazaqstandaǵy orystarǵa oi salǵan. Tolyǵyraq: https://t.me/dalainside/1378
