Prezidenttikke úmitker Nurlan Áýesbaev qurylysshylarmen kezdesti
Kezdesý barysynda JSDP-dan úmitker óz baǵdarlamasynyń negizgi tarmaqtary jaiynda sóz qozǵady.
Óz sózinde Nurlan Áýesbaev sailaýaldy baǵdarlamasynyń negizgi baǵdary adam ekendigin málimdedi. Úmitker atap ótkendei, memleketpen jasaqtalǵan áleýmettik liftterden búgingi kúni paida joq. Sol sebepti áleýmettik qoldaý júiesin qurý mańyzdy.
Úmitkerdiń paiymdaýynsha, áleýmettik saiasat adamdardyń neǵurlym dáýletti sanattarǵa kóterilýine, kei jaǵdailarda kedeilikke ushyramaýyna jaǵdai jasaýy kerek.
Sonymen qatar Nurlan Áýesbaev eńbek qaýipsizdigi máselelerine de toqtaldy. Úmitker atap ótkendei, bul salada óndiristik jaraqat pen jazataiym oqiǵalardyń deńgeii óte joǵary. Oǵan sebep – jumys berýshilerdiń jumysshylar densaýlyǵynyń qaýipsizdigin qamtamasyz etý júielerin jaqsartýǵa qarajat bólgisi kelmeitindigi.
JSDP-dan úmitker jaǵdaidy ózgertý úshin azamattar qaitadan paida alýshy bolatyn, al biznes oligarhattyń ne memlekettiń qýdalaýy men qysymynan qoryqpai adal jumys istep, salyq tólei alatyndai qoǵamdy, biznesti jáne memleketti tepe-teńdik kúiine qaitarý qajet. Bul kezde iri kompaniialar ózderiniń bailyǵy men mólsheri úshin jaýap berip, memleket bolsa, óz azamattaryna esep beretin bolady.
