Prezident Qasym-Jomart Toqaev tennisshi Elena Rybakinany Er-Riiadta ótken WTA qorytyndy týrnirindegi jeńisimen quttyqtap, ony III dárejeli Barys ordenimen marapattaý týraly Jarlyqqa qol qoidy, dep habarlaidy Dalanews.kz
Siz tennisten jyl qorytyndysy sanalatyn bedeldi jarysta sheberliktiń ozyq úlgisin kórsetip, asqan erik-jigerdiń arqasynda jeńiske jettińiz.
Qazaqstandyq jáne álemdik tennis sportynyń tarihyndaǵy osynaý aitýly jetistigińizben shyn júrekten quttyqtaimyn jáne rizashylyǵymdy bildiremin.
Dúbirli dodadaǵy jeńisińizdi, tennistiń damýyna qosqan úlesińizdi jáne atalǵan sportty elimizde nasihattaýǵa sińirgen eńbegińizdi eskere otyryp, Sizdi III dárejeli «Barys» ordenimen marapattaý týraly Jarlyqqa qol qoidym.
Sizge zor densaýlyq, baq-bereke jáne Qazaqstan Respýblikasynyń dańqyn asyratyn jańa jetistikter tileimin,
– delingen quttyqtaýda.
