Qazaqstan Respýblikasynyń Konstitýtsiiasyna 30 jyl tolýyna arnalǵan ǵylymi-praktikalyq konferentsiiada prezident Qasym-Jomart Toqaev sóz sóiledi, dep habarlaidy Dalanews.kz.
«1993 jyly egemen Qazaqstannyń alǵashqy Ata zańy bekitildi, memleketimizdiń konstitýtsiialyq qurylymy aiqyndaldy. Biraq kóp uzamai jańa tarihi ahýalǵa sai keletin jańa Konstitýtsiia qabyldaý qajet boldy. Osyǵan orai, arnaiy keńes quryldy, oǵan bir top belgili otandyq zańger múshe bolyp, belsendi jumys júrgizdi. Shetelden shaqyrylǵan sarapshylar da osy mańyzdy iske atsalysty. Ata zańymyzdyń jobasyn talqylaýǵa milliondaǵan azamat qatysty, myńdaǵan usynys kelip tústi.
Konstitýtsiia týraly aitqanda, tuńǵysh Prezident Nursultan Ábishuly Nazarbaevtyń tabandy eńbegine ádil baǵa berý qajet. Ol Konstitýtsiia qabyldanǵan kezde Memleket basshysy retinde sheshýshi ról atqardy», - dedi prezident.
