Búgin QR Ǵylym jáne joǵary bilim ministri Saiasat Nurbek Memleket basshysynyń tapsyrmasy boiynsha jas ǵalymdarǵa 10 páter sertifikattaryn saltanatty túrde tabystady.
Prezidenttiń 2024 jylǵy 31 mamyrda Ǵylym ordasynda jas ǵalymdarmen kezdesýinde bergen tapsyrmasyn oryndaý maqsatynda ǵalymdardyń áleýmettik mártebesin kóterý jáne qoldaý kórsetý, sondai-aq ǵylymǵa jas kadrlardyń kelýin yntalandyrý úshin Respýblikalyq komissiia Almaty qalasynda baspana berý úshin memlekettik organdarǵa vedomstvolyq baǵynysty ǵylymi uiymdardyń, joǵary jáne joǵary oqý ornynan keiingi bilim berý uiymdarynyń jas ǵalymdarynyń kezekti tizimin aiqyndady.
Ministr Saiasat Nurbek jas ǵalymdarmen kezdesý barysynda ǵylym men innovatsiiany damytý – el damýynyń ekonomikalyq baǵytynyń negizgi basymdyqtarynyń biri ekenin aita otyryp, Memleket basshysynyń qoldaýymen ǵylym salasynda aitarlyqtai ózgerister bolǵanyna toqtaldy.
«Memleket basshysy «Ǵylym jáne tehnologiialyq saiasat týraly» Zańǵa qol qoidy. Jas ǵalymdardyń zertteýlerin granttyq qarjylandyrýǵa arnalǵan konkýrstardyń nátijesinde 1500 joba iske asyrylýda. Jyl saiyn álemniń jetekshi ǵylymi ortalyqtarynda 500 qazaqstandyq ǵalym taǵylymdamadan ótýde. Aldaǵy eki jylda jas ǵalymdardyń zertteýine bólinetin grant sany taǵy da kóbeiedi. Ǵylymi kadrlardy áleýmettik qoldaý tek bar mamandardy qoldap qana qoimai, ǵylymi-tehnikalyq progreske úles qosýǵa daiyn jas ǵalymdardyń jańa býynyn tartýǵa múmkindik beredi. Jas ǵalymdardyń kóbeiýi óz kezeginde ǵylymdy damytýǵa, zertteý nátijelerin kommertsiialandyrýǵa jáne jańa ekonomikalyq klasterler qurýǵa yqpal etedi», - dedi Saiasat Nurbek.
Kezdesý barysynda jas ǵalymdardyń atynan sóz sóilegen Ulttyq ǵaryshtyq zertteýler jáne tehnologiialar ortalyǵynyń materialtaný zerthanasynyń meńgerýshisi Laýra Mustafa elimizde jas ǵalymdarǵa kórsetilip jatqan qoldaý jaily, ǵylymi-innovatsiialyq jobalardy júzege asyrýda jas mamandarǵa arnalǵan baǵdarlamalar men múmkindikterdiń keńeitilip jatqandyǵyn atap ótip, alǵysyn bildirdi.
Búgin kópten kútken jańa páter sertifikatyn alǵandar qatarynda ǵalymdar otbasysy da boldy. Jas ǵalymdar Aidar Moldajanov pen Aqmaral Qulmahambetova – filosofiia doktorlary, PhD. «Bizdiń qýanyshymyzdy sózben aityp jetkizý qiyn. Jas ǵalymdarǵa osyndai berilip jatqan múmkindik úshin alǵys bildiremiz! Endi ǵalymdar óz páterlerinde turyp, turǵyn úi máselesin sheshýge alańdamai, ǵylymǵa kóbirek ýaqyt bóle alady», - dep bólisti olar.
QR Ǵylym jáne joǵary bilim ministrligi aǵymdaǵy jylǵy mamyr aiynan bastap baspanaǵa muqtaj jas ǵalymdardyń (40 jasqa deiin qosa alǵanda) tizimin qalyptastyrý boiynsha jumys júrgizýde. Almaty qalasynda ornalasqan memlekettik organdarǵa vedomstvolyq baǵynysty ǵylymi uiymdar men joǵary oqý oryndarynan 300-ge jýyq ótinim kelip tústi.
Kezdesý sońynda, ministr jas ǵalymdardy qoldaý maqsatynda vedomstvo bul jumysty kezeń-kezeńimen júzege asyratynyn, osyndai naqty sharalar arqyly elimizdegi ǵylymdy jáne ǵalymdar qaýymyn qoldaý jumysy aldaǵy ýaqytta da jalǵasyn tabatynyn atap ótti.
Atap óteiik, Memleket basshysy 2024 jylǵy 31 mamyrda Almaty qalasynyń 10 jas ǵalymyna turǵyn úi sertifikattary tabystady. Sonymen qatar 2023 jylǵy 19 qazanda QR Ǵylym jáne joǵary bilim ministrligi men «Otbasy bank» AQ arasynda jas ǵalymdarǵa 2023-2027 jyldarǵa arnalǵan jeńildetilgen kredit berý baǵdarlamasy boiynsha yntymaqtastyq týraly kelisimge qol qoidy. Qazirgi ýaqytta atalǵan baǵdarlama boiynsha 290 jas ǵalym jeńildikpen baspana aldy.
