Prezident tapsyrmasy: Shyǵystaǵy politsiia qyzmetin servistik úlgige kóshirý qalai oryndalýda?
Ishki ister ministrligi Memleket basshysynyń politsiia qyzmetiniń servistik úlgisine kóshirý týraly tapsyrmasynyń oryndalýyn jappai tekserýdi jalǵastyrýda.
Jaqynda Shyǵys Qazaqstan oblysyna jumys saparymen Ministrdiń orynbasary Murat Baimuqashev keldi.
Oblys ortalyǵynda «qadamdyq qoljetimdilik» qaǵidatyn iske asyrý sheńberinde ashylǵan, táýlik boiy jumys isteitin azamattarǵa yńǵaily modýldik beketterge bardy.
Politsiia departamentiniń bastyǵy Saǵat Madievtiń aitýynsha, oblysta materialdyq-tehnikalyq quraldarmen, onyń ishinde zamanaýi tehnikamen jabdyqtalǵan 7 modýl paidalanýǵa berildi. Politseilerdiń turǵyn úi aýdandarynda turaqty ornalasýy kelip túsetin signaldarǵa neǵurlym jedel den qoiýǵa jáne quqyq buzýshylyqtardyń ýaqtyly jolyn kesýge múmkindik beredi.
Sonymen qatar, ministrdiń orynbasary qala ortalyǵynda ornalasqan ýchaskelik politsiia pýnktiniń qyzmetimen tanysty. Aita keteiik, oblystyń bas politseii Saǵat Madiev atap ótkendei, 5 jyl ishinde óńirde qosymsha taǵy 23 ýchaskelik pýnkt salynady. Aǵymdaǵy jyly ýchaskelik inspektorlarǵa 20 qyzmettik avtokólik berildi.
Sondai-aq, ShQO politseileri qoǵamdyq oryndarda ornatylǵan «SOS» dabyl túimeleriniń jumysyn kórsetti. Batyrmany basqan kezde DP jedel basqarý ortalyǵynyń ofitserimen avtomatty túrde qosylý júrgiziledi, bul onlain-rejimde ótinish berýshimen bailanysty uiymdastyrýǵa jáne oqiǵa týraly aqparatty tirkeýge múmkindik beredi.
Jumys aiaqtalǵannan keiin Murat Baimuqashev oblys ákimi Danial Ahmetovpen kezdesti, onda Qazaqstan Respýblikasynyń Prezidenti Qasym-Jomart Toqaevtyń Joldaýynda kórsetilgen politsiianyń servistik modeline kóshýdi masshtabtaý máseleleri talqylandy.
