Qazaqstanda aviahabtardy damytý aiasynda ushaqtarǵa tikelei quiylatyn aviaotynnyń baǵasy tómendetildi, dep habarlaidy Dala News.
Úkimet otyrysynda Energetika ministri Erlan Aqkenjenov Memleket basshysynyń Ulttyq quryltaida bergen tapsyrmalarynyń oryndalý barysy týraly baiandady. Onyń aitýynsha, buǵan deiin Qazaqstandaǵy aviaotyn baǵasy kórshi eldermen salystyrǵanda tym joǵary bolyp, áýejailardyń básekege qabilettiligin álsiretken.
Prezidenttiń tapsyrmasy boiynsha aviaotynnyń «ushaqqa deiingi» quny bir tonna úshin 1200 dollardan 940 dollarǵa deiin tómendetilgen. Aldaǵy kezeńde bul kórsetkishti 890 dollarǵa deiin túsirý kózdelip otyr.
Ministrdiń málimetinshe, bul sheshim otandyq áýejailardyń tartymdylyǵyn arttyryp, Air Atlanta, Hungary Airlines, One Air sekildi halyqaralyq aviakompaniialardyń Qazaqstan arqyly ushýyn kóbeitýge múmkindik bergen.
Úkimet bul baǵyttaǵy jumysty jalǵastyryp, elimizdi óńirlik áýe haby retinde qalyptastyrýdy kózdep otyr.
