Prezident Qasym-Jomart Toqaevtyń tóraǵalyǵymen Qaýipsizdik keńesiniń narkotizmge qarsy is-qimyl máseleleri jónindegi otyrysy ótti, dep habarlaidy Dalanews.kz.
Prezidenttiń keńesshisi - baspasóz hatshysy Rýslan Jeldibai otyrys qorytyndysy týraly aitty.
"Buǵan deiin habarlanǵandai, búgin Prezident Qasym-Jomart Toqaevtyń tóraǵalyǵymen ótken Qaýipsizdik keńesiniń otyrysynda narkotizmge qarsy kúres máseleleri qaraldy. Jiyn qorytyndysy boiynsha Memleket basshysy nashaqorlyqqa jáne esirtki qylmysyna qarsy is-qimyl máseleleri jónindegi vedomstvoaralyq shtabty Ishki ister ministrliginiń qaraýynan alyp, Qazaqstan Respýblikasy Úkimetiniń deńgeiine kóterýdi tapsyrdy. Bul nashaqorlyqpen jáne esirtki saýdasymen kúresti jandandyrýǵa, sondai-aq, tiisti memlekettik organdar arasyndaǵy jumysty anaǵurlym tiimdi úilestirýge múmkindik beredi", - dedi ol.
