پرەزيدەنت قاسىم-جومارت توقايەۆتىڭ توراعالىعىمەن قاۋىپسىزدىك كەڭەسىنىڭ ناركوتيزمگە قارسى ءىس-قيمىل ماسەلەلەرى جونىندەگى وتىرىسى ءوتتى، دەپ حابارلايدى Dalanews.kz.
پرەزيدەنتتىڭ كەڭەسشىسى - باسپا ءسوز حاتشىسى رۋسلان جەلدىباي وتىرىس قورىتىندىسى تۋرالى ايتتى.
"بۇعان دەيىن حابارلانعانداي، بۇگىن پرەزيدەنت قاسىم-جومارت توقايەۆتىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا ناركوتيزمگە قارسى كۇرەس ماسەلەلەرى قارالدى. جيىن قورىتىندىسى بويىنشا مەملەكەت باسشىسى ناشاقورلىققا جانە ەسىرتكى قىلمىسىنا قارسى ءىس-قيمىل ماسەلەلەرى جونىندەگى ۆەدومستۆوارالىق شتابتى ىشكى ىستەر مينيسترلىگىنىڭ قاراۋىنان الىپ، قازاقستان رەسپۋبليكاسى ۇكىمەتىنىڭ دەڭگەيىنە كوتەرۋدى تاپسىردى. بۇل ناشاقورلىقپەن جانە ەسىرتكى ساۋداسىمەن كۇرەستى جانداندىرۋعا، سونداي-اق، ءتيىستى مەملەكەتتىك ورگاندار اراسىنداعى جۇمىستى اناعۇرلىم ءتيىمدى ۇيلەستىرۋگە مۇمكىندىك بەرەدى"، - دەدى ول.
