Búgin aldymen Astanadaǵy Qazaq ulttyq óner ýniversitetinde «Shabyt» halyqaralyq festivaliniń jeńimpazdary men júldegerlerine diplomdar men syilyqtar tabystaldy. Odan keiin keshinde «Shabyttyń» Gran-pri iegerleri Beibitshilik jáne kelisim saraiynda saltanatty túrde arnaiy marapattaldy.
Biylǵy Prezident kýbogy «Úzdik ádebi shyǵarma» nominatsiiasyna berildi. Atalǵan nominatsiia boiynsha Gran-pri iegeri atanǵan aqyn Erbol Alshynbai Prezident kýbogyn qanjyǵasyna bailady.
Prezident kýbogy poeziia janryna sońǵy ret 2006 jyly berilgen bolatyn. Bul jyly qos aqyn Erlan Júnis pen Baqytgúl Babash Poeziia janry boiynsha Gran-prige ie boldy. Qazylar alqasynyń sheshimmen Prezident kýbogy Erlan Júniske buiyrdy. Araǵa on jyl salyp Prezident kýbogy aqyndardyń enshisine tiip otyr.
Eske sala ketsek, biylǵy «Úzdik ádebi shyǵarma» nominatsiiasy boiynsha jeńimpaz aqyndarnyń tizimi tómendegidei:
Arman Sherizat – Astana qalasynyń Mádeniet, muraǵattar jáne qujattama basqarmasy atynan arnaiy syilyq (75 000 teńge)
Álimjan Álisher – «Ádebiet portaly» taǵaiyndaǵan Ámirhan Balqybek atyndaǵy arnaiy syilyq (50000 teńge)
Umtyl Zaryqqan – Memleket jáne qoǵam qairatkeri, Qazaqstannyń eńbek sińirgen qairatkeri, aqyn Kákimbek Salyqov atyndaǵy ataýly syilyq (75 000 teńge)
Medet Bojan – 3 - oryn, Qurmet diplomy, medal jáne aqshalai syiaqy (150 000 teńge)
Aidana Segizbaeva – 2-oryn, Qurmet diplomy, medal jáne aqshalai syiaqy (200 000 teńge)
Asylbek Jańbyrbai – 1-oryn Qurmet diplomy, medal jáne aqshalai syiaqy (250 000 teńge)
Erbol Alshynbai – Gran-Pri, Qurmet diplomy, medal jáne aqshalai syiaqy (300 000 teńge)
Derekkóz: Massaget
