Memleket basshysy Joǵary Eýraziialyq ekonomikalyq keńestiń keńeitilgen quramdaǵy otyrysyna qatysty, dep habarlaidy Dalanews.kz.
Jiynda Eýraziialyq ekonomikalyq odaqtyń negizgi seriktesterimen saýda-ekonomikalyq yntymaqtastyqty damytýǵa qatysty ózekti máseleleri talqylandy. Sondai-aq, ónerkásip, kólik jáne logistika, agrarlyq sektor, tsifrlandyrý jáne jasandy intellekt sekildi basty baǵyttar boiynsha ózara tiimdi yqpaldastyq perspektivasy qarastyryldy.
Otyrysta Iran prezidenti Masýd Pezeshkian (beineúndeý formatynda), Kýba prezidenti Migel Mario Dias-Kanel Bermýdes, Ózbekstan prezidenti Shavkat Mirziioev, Abý Dabidiń taq murageri sheih Haled ben Muhammed ben Zaid Ál Nahaian, Mońǵoliia premer-ministriniń birinshi orynbasary Ýchral Niam-Osoryn sóz sóiledi. Kelesi jyly Joǵary Eýraziialyq ekonomikalyq keńeske Qazaqstan Respýblikasy tóraǵalyq etedi.
Jiyn sońynda birqatar qujatqa, sonyń ishinde Mońǵoliiamen saýda kelisimine jáne Birikken Arab Ámirlikterimen ekonomikalyq seriktestik jónindegi kelisimge qol qoiyldy.
