Memleket basshysy "Qazaqstan Respýblikasynyń aýmaqtyq qorǵanysy týraly" Qazaqstan Respýblikasynyń zańyna qol qoidy, dep habarlaidy Dalanews.kz.
Zań Qazaqstan Respýblikasynyń aýmaqtyq qorǵanysy salasyndaǵy memlekettik saiasatynyń uiymdyq-quqyqtyq negizin qalyptastyrady jáne qoǵamdyq qatynastardy quqyqtyq jaǵynan retteidi.
"Budan bólek zań aýmaqtyq qorǵanysty materialdyq turǵydan qamtamasyz etý máselelerin retteidi. Qorǵanys ministrligine tiisti fýnktsiialar bere otyryp, bul salaǵa memlekettik baqylaý engizildi. Qujat aýmaqtyq qorǵanystyń tiimdi júiesin qalyptastyrýǵa jáne tótenshe jaǵdailar kezinde halyqtyń qaýipsizdigin qamtamasyz etýge baǵyttalǵan. Tiisti sharalardy uiymdastyrýǵa jáne jetkilikti deńgeide qarjylandyrýǵa bailanysty biryńǵai tásilderdiń qaǵidattary aiqyndaldy", - dep jazylǵan habarlamada.
Qazaqstanda aýmaqtyq qorǵanys kúshteri COVID-19 pandemiiasy kezinde, sondai-aq, 2020 jyly Sardoba sý qoimasyndaǵy jarylys saldaryn joiýǵa, 2022 jyly Qostanai oblysyndaǵy orman órtin sóndirýge, 2024 jyly elimizdiń soltústik-batys óńirlerinde bolǵan sý tasqynyn eńserýge jumyldyrylǵan.
