Osynaý qańtardyń qaharly kúnderi elimizde, onyń ishinde aınalaıyn aq Almatymyzdyń basyna túsken qaraly kúnderi oryn alǵan dúrbeleńde Ózderińizge ún qatýdy azamattyq paryzym dep bilemin.
Ókinishke oraı, osy kúnderi qaza tapqan azamattar az emes. Olardyń otbasylary men jaqyndaryna qaıǵyryp kóńil aıtamyn. Imandary joldas bolsyn.
Sóz joq, bizdiń el ejelden eńbek pen erlikti, jiger men erikti tý etken tekti halyq. «Bas kespek bar bolsa da, til kespek joq» dep óz tilegin tilimen, sózimen jetkizgen jurt. Sondyqtan da bul kúnderi keı óńirlerde bastalǵan sherýler beıbit sıpatta, ádiletti talappen boldy.
Dese de, arnaıy daıyndalǵan arandatýshylar men sodyrlar jaǵdaıdy paıdalanyp ketti. Nátıjesinde, «Táýelsizdiktiń tal besigi» sanalatyn alyp shahardy qantógistiń alańyna aınaldyrdy. Bul jáı ǵana qylmys emes. Bul jaýyzdyq! Otanǵa, Táýelsizdikke jasalǵan opasyzdyq! Qarapaıym azamattarymyzǵa jasalǵan qatigezdik!
Mundaıda el bolashaǵy úshin jaýapkershiliktiń aýyr júgi Memleket basshysynyń moınynda. Al dál qazir Prezıdent ár azamattyń, ár otbasynyń, tutas qoǵam qaýipsizdiginiń jalǵyz kepili!
Osy oraıda, men barsha qazaqstandyqtardy Memleket basshysy Qasym-Jomart Toqaevqa qoldaý kórsetýge shaqyramyn!
Biz qaı jerde týyp, qaı óńirde júrsek te bir atanyń balasymyz. Qarǵa tamyr qazaqpyz!
Men kúshti de qýatty, ásem de áleýetti memlekettiń erteńine senemin!
Aman bolaıyq! El birligi men berekesin saqtaıyq, aǵaıyn!
Abai.kz
