Májilis depýtaty Ermurat Bapı Jańa Zelandıadan sary maı tasymaldanatynyn synǵa aldy, dep habarlaıdy Dalanews.kz.
Depýtat Ermurat Bapı premer-mınıstrdiń orynbasary Qanat Bozymbaevqa suraq qoıdy. Onyń sózinshe, otandyq taýar óndirýshiler Úkimetten qoldaý tappaı otyr.
"It ólgen, ıt emes-aý kıt ólgen Jańa Zelandıadan sary maı tasımyz. Tońazytqyshy joq qazaq qarynǵa salyp maı óndirgen. Mynaý "pozor" ǵoı! Kıt ólgen Jańa Zelandıadan maı tasý degen. Al óndirisimiz toqtap tur. Baltyq jaǵalaýynan maı tasımyz. Soraqylyq qoı bul! Maı óndirgen qazaqqa otandyq óndirisimizdi qoldamaı, syrttan sary maı tasý degen" - dep ashyndy depýtat.
Al Qanat Bozymbaev bul kúrdeli másele ekenin aıtty.
"Otandyq taýar óndirýshiler básekelestikke saı bolsa, ol nege toqtatylady? Sútke qanshama sýbsıdıa berilip jatyr?! Áli kúnge deıin ishki naryqty 100% qamtamasyz etti dep aıta almaımyz. Áli de kóp jumysty qolǵa alý kerek", - dedi ol.
