Áleýmettik jeli qoldanýshysy Omarbek Kóshkimbaiuly «Qazaqstan temir joly» kompaniiasynyń qyzmetine qatysty shaǵym aityp, video jariialady, dep habarlaidy Dalanews.kz
Onyń aitýynsha, poiyzben saparǵa shyqqan 15 jastaǵy jasóspirimnen qosymsha 5 myń teńge talap etilgen. Balada jol júrýge qajetti barlyq qujattar – bileti men ata-anasynyń jazbasha ruqsaty bolǵan.
«Sońǵy jyldary qyzmet sapasy jaqsaryp, vagondardyń ishi tazaryp, bilikti mamandar keldi dep maqtanyp júrsek, nege qolynda ata-anasynyń ruqsaty bar, barlyq qujaty tolyq baladan qosymsha 5 myń teńge suraisyzdar? Bala túnimen ýaiymdap uiyqtai almaǵan. Bul balany bopsalaý, býllingtiń bir túri emes pe?» – deidi ol.
Jeli qoldanýshysy «Qazaqstan temir joly» kompaniiasynan osy jaǵdaiǵa bailanysty ishki tekseris júrgizýdi surady.
Erejege sáikes, Qazaqstan ishinde 15 jastaǵy jasóspirim poiyzben jalǵyz saparlai alady. Ol úshin jeke kýáligi nemese týý týraly kýáligi bolýy kerek. Sondai-aq kei jaǵdaida ata-anasynyń nemese zańdy qamqorshysynyń jazbasha ruqsaty jáne bailanys nómiri suralýy múmkin.
Atalǵan jaǵdaiǵa qatysty «Qazaqstan temir joly» kompaniiasynyń resmi túsindirmesi ázirge jariialanǵan joq.
