Almaty oblysynyń politsiia departamenti Sherzat Bolat (Polat) isi boiynsha tórt kýágerdiń áreketterine tekserý júrgizedi, dep habarlaidy Dalanews.kz Tengrinews.kz-ke silteme jasap.
5 maýsymda isti qaraǵan sýdia Erjan Januzaqov Almaty oblysynyń prokýroryna Elmira Nurbekova, Dana Jaqsygeldi, Arlan Qazakenov jáne Iýldash Rýzbakievtiń is-áreketterin tekserýdi talap etken jeke qaýly shyǵarǵan. 19 tamyzda úkim men qaýly zańdy kúshine endi.
Tengrinews.kz aqparat agenttiginiń resmi saýalyna bergen jaýabynda oblystyq prokýratýra sot qaýlysynda kórsetilgen derekterdiń aqparattardy esepke alý kitabyna tirkelgenin rastady.
"Tekserý júrgizý Almaty oblysynyń politsiia departamentine tapsyryldy", – delingen prokýratýranyń resmi jaýabynda.
Sot protsesi kezinde Sherzat Polattyń týystarynyń advokattary Elmira Nurbekova men Dana Jaqsygeldini jalǵan kýálik berý jáne qylmys týraly habarlamaý baptary boiynsha jaýapqa tartýdy talap etken bolatyn.
