Búgin Almaty qalasynda qazaqstandyq “Qairat” FK men “Aqtóbe” FK arasynda fýtbol matchy ótedi. Oiynnyń ótýine bailanysty qala politsiiasy stadion aýmaǵynda jáne oǵan irgeles aýmaqtarda qoǵamdyq qaýipsizdikti qamtamasyz etý boiynsha qosymsha sharalar qabyldap jatyr, dep habarlaidy Dalanews.kz.
Almaty qalasy Politsiia departamentiniń bastyǵy, politsiia general-maiory Aidyn Kabdýldinovtyń aitýynsha, sporttyq is-shara barysynda qoǵamdyq tártip qatań baqylaýda bolady.
«Match ótetin kúni stadion men oǵan irgeles aýmaqta qaýipsizdik sharalary barynsha kúsheitiledi. Qoǵamdyq tártipti qamtamasyz etýge qosymsha politsiia kúshteri jumyldyrylady. Sonymen qatar match ótetin aýmaq tolyqtai turaqty baqylaýda bolady», – dedi politsiia vedomstvosynyń basshysy.
Sondai-aq ol jankúierlerdi stadiondaǵy tártip erejelerin saqtaýǵa shaqyrdy.
«Fýtbol – emotsiia, qoldaý jáne óz komandańa degen adaldyq. Alaida barshaǵa ortaq bir qaǵida bar: zań men qoǵamdyq tártip kez kelgen emotsiiadan joǵary», – dep atap ótti Aidyn Kabdýldinov.
Politsiia ókilderi qoǵamdyq tártipti buzýǵa baǵyttalǵan kez kelgen áreketke jedel tosqaýyl qoiylatynyn eskertti.
«Agressiia, arandatý, balaǵat sózder, qorlaý, buzaqylyq áreketter, sondai-aq tyiym salynǵan zattardy paidalaný – múlde jol berilmeitin áreketter. Mundai jaǵdailarda politsiia tarapynan jedel sharalar qabyldanady. Quqyq buzýshylar anyqtalyp, árbir derekke quqyqtyq baǵa beriledi», – dep túiindedi almatylyq politsiianyń basshysy.
