Aıta keteıik, keshe Shymkentte bloger Aıgúl Orynbek ustaldy degen aqparat tarady. Bul týraly jýrnalıs Mıhaıl Kozachkov jazdy.

"Ol "Alaıaqtyq", "Sotqa deıingi is júrgizý derekterin jarıa etý" jáne "Sot tóreligin júzege asyrýǵa kedergi jasaý" baptary boıynsha tirkelgen qylmystyq is sheńberinde kúdikke ilindi", - dep jazdy ol.

Aıgúl Orynbek - zańger, Ulttyq quryltaı múshesi, Qazaqstan prezıdentiniń janyndaǵy Ulttyq qoǵamdyq senim keńes múshesi. Sonymen qatar, kásipker retinde de belgili. Ol qoǵamdaǵy daýly jaıttarǵa únemi pikir bildirip keledi. 

Eske salaıyq, kúni keshe ol Shymkent qalasynyń Sport basqarmasyn synap, Facebook áleýmettik jelisinde jazba jarıalaǵan edi.

“Shymkent qalasy ákimdigi Sport basqarmasynyń basshysy Maratbek Myqtybekov , 7 qazan kúni máslıhat depýtattarynyń aldynda “Ordabasy komandasynyń legıonerlerine gonorarǵa”,  dep 1 mıllıardttan astam qarajat suraǵan.

Sport basqarmasynyń satyp alý portalynda qyrkúıek aıynda 893 mln. teńge qarajatqa bir kózden memlekettik satyp alý jarıalanyp, qorytyndy shyqqan.

Odan bólek,  jyl sońyna  eki aı qalǵanda taǵy 1 mlrd. astam qarajat ne maqsatta surap otyrsyz Maratbek myrza?

Osyndaı sommalar bir kózden berilgeni qanshalyqty zańdy? Jyl basynda Ordabasyǵa bólingen 5 mlrd nelerińe jetpeı jatyr Shymkent qalasy ákimdigi? Onyń barlyǵy qaıda ketip jatyr? Máslıhat depýtattary aqsha surasa nege bere beresizder?”, - dep jazdy zańger.

Osy tusta ol QR Bas prokýratýrasy  Prezıdenttiń tapsyrmasyn oryndamaıtyn basshylardy tergep tekserýdi  suraıtynyn jetkizdi.

“Mınıstr Erbol Myrzabosynov! Sizdi sport salasyn tazalaýǵa kelgenińizdi bilemin. Bizdiń Shymkent qalasyna kóńil bólýińizdi suraımyn. Byltyrdan beri dál osy sport basqarmasy jyl bitýine eki aı qalǵanda úlken sommalardy fýtbolısterge bóletini óte kúdik týdyrady.

2023 jyly bitýine 2 aı qalǵanda 500 mıllıon teńge, bıylǵy jyl bitýine 2 aı qalǵanda bólingen 1 mıllıard qarajat taǵdyryn elimizdiń Bas prokýratýrasy men Qazaqstan Respýblıkasynyń Ulttyq qaýipsizdik komıteti  tekserýin suraımyn!”, - dedi ol.